1 “Muxun naxan waxi a xa a nɔ,
2 Muxu yo mi susɛ yɛngɛn bagɛ a ma,
3 Nde a doli n ma,
4 “N mɔn xa falan ti ige yi sube ɲaxin salen seene ma,
5 Nde nɔɛ a kidin bɛ a ma?
6 Nde nɔɛ a gbɛgbɛni biyɛ?
7 A xali xɔdɛxɛne safa wuyaxi nan a fari,
8 E saxi e bode fari,
9 E tugunxi e bode ra,
10 “Ige yi sube ɲaxin na tison,
11 Tɛɛ dɛgɛn minima a dɛ,
12 A ɲɔɛ tutin tema,
13 A ɲɔɛ foyen tigine radɛgɛma,
14 Sɛnbɛna a kɔɛɛn nin,
15 A fati kidin ɲixiriɲixirine wuya,
16 A bɔɲɛn xɔdɔxɔ alo gɛmɛna,
17 “A na keli, alane yi gaxu,
18 Silanfanna mi sese ligama a ra,
19 Wuren luxi nɛn a tan xa
20 A mi a gima xalimakunla yɛɛ ra,
21 Gbelemɛn luxi nɛn a tan xa
22 A kui kidin luxi nɛn
23 “A na sin fɔxɔ igen tilinna ma,
24 A funfuni yalanxin nan luma a xanbi ra igeni,
25 A kanna mi muxu yo ra bɔxɔ xɔnna fari.
26 A yaxu sɛnbɛma yo na keli,