1 Guaꞌa ndevaꞌa Jitoꞌo kuu ni jin ñayiu ñuu ni, vi Dios,
2 Te ni jakaꞌnu ini ni jakueꞌe ka saꞌa ñayiu ñuu ni,
3 Te ni yaꞌa ini ni jin ja kiti ini ni,
4 Ndasaꞌa ña ni inka jichi, vi Dios, ja kuu ni ia skaku niꞌnu ña,
5 Chi ¿a vi siun ni kokiti ini ni nuu in in san?
6 ¿A ma ndataa ni tnoꞌo ndee ini,
7 Neꞌe ni, te kundaꞌu ini ña ni, vi Jitoꞌo san,
8 Te konini san tnoꞌo ja kaꞌan Jitoꞌo Dios,
9 Chi jandaa ja yatni ñuꞌu oo ia Dios ja skaku niꞌnu ya ñayiu ka yuꞌu niꞌnu ña jin ya,
10 Te vi nukuntnaꞌa ja ndaꞌu ini ya jin tnoꞌo ndaa,
11 Te kute tnoꞌo ndaa nuu ñuꞌu,
12 Chi tetniuu Jitoꞌo kuaꞌa sau,
13 Te kokoxnoꞌo tniuu ndaa nuu ya kiꞌin