1 Dios maa san kuu ni, vi Dios, te ndee nuu inka matuu ndanduku ña san jin ni,
2 Te kuini san ja kondiaꞌa san jakaꞌnu ni vi jayeꞌe tajan ni,
3 Chi guaꞌa ka kuu ja kundaꞌu ini ña ni, masu ja teku san,
4 Te kosaꞌa kaꞌnu ña san jin ni ndiꞌi ni kiuu ja teku san,
5 Saa te ndenuu ini san, na kuinio in ñayiu jaa sii ini ndevaꞌa in ndei asin,
6 Te nuu katuu san nuu jito san, te ndakaꞌan ña san jin ni,
7 Te ndee chii ndijin ni kata sii ini san,
8 Chi oo ndiꞌi san jin anu san nuu ndaꞌa ni,
9 Su ñayiu ni ka nduku ja vi kaꞌni ña jin san,
10 Chi jin yuchi kani vi kaꞌni ña jin,
11 Su rey, chi kokusii ini de ja oo de jin ia Dios,