1 Skaku niꞌnu ña ni nuu ndaꞌa ñayiu ka kaꞌan uꞌu ña jin san, vi Dios.
2 Skaku niꞌnu ña ni nuu ndaꞌa ñayiu ka saꞌa jakueꞌe,
3 Chi ka neni yuꞌu ña tee inu ndakui jin san ja vi kaꞌni ña de,
4 Te visi tu na in jakueꞌe saꞌa san, su ka nuu ka neꞌe ini de ka ndakoo de siki san.
5 Chi maa ni, vi Jitoꞌo, kuu ni ia Dios ndakui ndevaꞌa.
6 Te ka ndajiokuiin ñayiu kueꞌe yun tnoꞌo jakuaa,
7 Te vi suaꞌa ka jaa tiꞌiñu yuꞌi, te ka kaꞌin tnoꞌo xeen ndevaꞌa,
8 Su maa ni, vi Jitoꞌo, chi kuaku ndee ni jin,
9 Chi maa ni kuu ia ndakui, te kondetu kaꞌnu ña san jin ni,
10 Te maa ni kuu ia Dios ja kundaꞌu ini ña ni jin san, te koxnoꞌo ni nuu san,
11 Ma kaꞌni ni jin, nagua ja ma vi ndunaa ini ñayiu ñuu san ja ia kaꞌnu kuu ni.
12 Chi jin ndiꞌi tnoꞌo ka kaꞌin ka saꞌi yika kuechi.
13 Te xnaa ni jin ja kiti ini ni.
14 Chi ka ndajiokuiin ñayiu kueꞌe tnoꞌo jakuaa,
15 Te ka jika nui ka ndukui ja vi kai,
16 Su sein, chi kata san yaa nuu ni, vi Dios,
17 Te kata san yaa nuu ni, vi Dios, chi maa ni taa jandakui san, te jito jini ña ni,