1 Jakueꞌe oo ini anu ñayiu kueꞌe kaꞌan nuu anui, te jiñaꞌa:
2 Te ndakani ini ja oo jayiñuꞌu nui,
3 Te ninoꞌo ni tnoꞌo kueꞌe vi tnoꞌo xndaꞌu ña kaꞌin,
4 Te vi ndee nuu katui nuu jitoi, ndakani ini ja saꞌi jakueꞌe,
5 Te ja kundaꞌu ini ni ñayiu, vi Jitoꞌo, kenta ndee andivi,
6 Te tniuu ndaa ja saꞌa ni kuu na kuinio yuku sukun,
7 Te nase vivii kundaꞌu ini ña ni, vi Dios.
8 Te vi ndenuu ini jin kuaꞌa jaguaꞌa oo veꞌe ni,
9 Chi nuu maa ni vaji ja ka teku san,
10 Te kokundaꞌu ini ni ñayiu ka jini ña jin ni,
11 Te ma kuandetu ni ja vi kuain niꞌnu ña ñayiu inu teyii jin san,
12 Vi kondiaꞌa ni ja ni ka kanakau ñayiu ka saꞌa jakueꞌe.