1 Ndiꞌi ni jichi na kochiñuꞌu san Jitoꞌo,
2 Te kosaꞌa kaꞌnu san Jitoꞌo,
3 Vi kata ni, na vi kata inuo nuu Jitoꞌo,
4 Chi ni ndanduku san Jitoꞌo, te ni onini ya tnoꞌo ni kaꞌan san,
5 Te ñayiu ka yinuu nuu ya, chi ka tnuu ka yeꞌe nui,
6 Chi ni jikantaꞌu maa sein ja kuu san tee ndaꞌu nuu Jitoꞌo,
7 Te jionduu ña ia jinokuechi nuu Jitoꞌo ninii nuu ka oo ñayiu ka yuꞌu niꞌnu ya,
8 Vi skuaꞌa ni naxa oo Jitoꞌo, te vi kuni ni ja ia guaꞌa kuu ya.
9 Vi koyuꞌu niꞌnu maa ni nuu Jitoꞌo ja ka kuu ni ñayiu maa ya,
10 Chi vi ndee ndikaꞌa jaꞌni ña ja vi kaa ti, te ka kokin ti,
11 Neꞌekuei, vi seꞌe, te vi konini ron,
12 Nuu ja ka kuini ron ja vi koo vii vi koo vaꞌa ron,
13 vi kaꞌnu yaa ron ja ma vi kaneꞌe ron
14 Vi kujioo nuu jakueꞌe, te vi saꞌa javaꞌa,
15 Chi maa Jitoꞌo jito jini ñayiu ndaa,
16 Su kiti ini ya nuu ñayiu ka saꞌa jakueꞌe, te xnaa ña ya nuu ñuyiu,
17 Ka jikantaꞌu ñayiu ndaa nuu Jitoꞌo, te nini ya tnoꞌo ka kaꞌin,
18 Chi yatni ñuꞌu oo Jitoꞌo ja chituu ya ñayiu ka tnaꞌa tnundoꞌo,
19 Te kuakuaꞌa tnundoꞌo tnaꞌa tee ndaa,
20 Chi maa ya jito ndiꞌi yiki de,
21 Su ñayiu kueꞌe, chi kuu mai nuu jakueꞌe saꞌi yun,
22 Su ndatau ña maa Jitoꞌo jin ñayiu ka jinokuechi nuu ya,