1 Dios maa san, Dios maa san, ¿nau ja ni xndendoo maa in ña ni?
2 Dios maa san, kana san nuu ni tnoꞌo nduu, te tu nini ni tnoꞌo kaꞌan san,
3 Su maa ni, chi ia ii kuu ni,
4 Te nuu maa ni, ni ka okukanu ini ndi nijaꞌnu san,
5 Ni ka kanai nuu ni, te ni skaku niꞌnu ni jin,
6 Su sein, chi masu in teyii kuu san, chi kuu san na ni kuinio in tindaku,
7 Ndiꞌi ñayiu ka ndiaꞌa ña jin san, te ka jaku ndee ñai,
8 “Tee yaꞌa, chi kukanu ini de Jitoꞌo, tu na skaku ña Jitoꞌo jin de,
9 Su maa ni, ni saꞌa ja ni kaku san ndee chii siꞌi san,
10 Te nuu ndaꞌa maa ni oo san ndee nuu kuini ka ja kaku san,
11 Ma kuu jika ni nuu san,
12 Chi ni ka jionduu ña kuaꞌa tee ka kaꞌan uꞌu ña na kuinio isndiki,
13 Te ka june de yuꞌu de ja vi kaa ña de,
14 Te ndi joo ndi joo kuaꞌan san naa san, na kuinio ndute.
15 Te ni yichi jandakui san na kuinio in tichioo,
16 Chi ni ka jionduu ña in tnii tee kueꞌe jin san
17 Te kuu kondiaꞌa san ndiꞌi yiki san,
18 Te ni ka ndakaꞌnde de suaꞌa ni saꞌun san,
19 Su maa ni, vi Jitoꞌo, ja taa ni jandakui san,
20 Skaku niꞌnu ña ni nuu yuchi kani tee ka kaꞌan uꞌu ña jin san,
21 Skaku niꞌnu ña ni yuꞌu ndikaꞌa
22 Ndakani san ja ia kaꞌnu ndevaꞌa kuu ni nuu ñani san,
23 Te maa ni ja ka yuꞌu niꞌnu ni Jitoꞌo, vi kata ni yaa nuu ya,
24 Chi tu skexiko ya ni tu ni kukini ini ya tnundoꞌo tnaꞌa ñayiu ndaꞌu,
25 Te maa ni taa yaa ja jita san nuu ni, vi Dios,
26 Te maa ni ja ka kundaꞌu ni, vi kaa ni guaa ndee vi chitu chii ni,
27 Te ndiꞌi tuꞌu maa ni ja ka oo ndee jaꞌa ñuyiu, vi ndakaꞌan ni Jitoꞌo Dios,
28 Chi maa Jitoꞌo Dios kuu rey,
29 Te ndiꞌi maa ni, ñayiu kuika ja ka oo ñuyiu yaꞌa,
30 Te vi kokunukuechi ndikin tata san nuu ya,
31 Te vi ndakani ndee nuu ñayiu kuini ka ja vi kaku,