1 Kaꞌnu kuu Jitoꞌo, ia kuu kava ja jito jini ña ya,
2 Maa ya kuu ia kundaꞌu ini ña jin san, vi maa ya kuu in veꞌe sukun nuu koo guaꞌa san.
3 ¿Nagua ka kuu ñayiu ja kondakani ini ni ja jaꞌi?
4 Te ñayiu, chi ñama ka nai na ni kuinio nuu jaka inio,
5 Ndakune ni andivi, te makuun ni ndee nuu ñuꞌu, vi Jitoꞌo.
6 Tetniuu ni tajan ja na kuun, te katenuu ni ñayiu ka kaꞌan uꞌu ña jin ni.
7 Skaa ni ndaꞌa ni ndee sukun jian, te ndatau ña ni nuu tnundoꞌo tnaꞌa san,
8 ja ka kaꞌin ninoꞌo tnoꞌo tnoꞌo,
9 Te kata san in yaa jaa nuu ni, vi Dios,
10 Chi maa ni saꞌa ja ka kundee tee ka kuu rey nuu ja jaxin tnaꞌa de.
11 Skaku niꞌnu ña ni, vi ndatau ña ni nuu ndaꞌa ñayiu inka ñuu,
12 Saꞌa ni ja na vi kuaꞌnu seyii san nuu kuechi,
13 Te na vi kuꞌun chitu veꞌe san jin ndiꞌi nuu ja vi kokaa san.
14 Te na vi koo ndakui isndiki san ja vi satniuu san jin ti.
15 Na taꞌu na ndetu ñayiu ja ka oi jin javii javaꞌa yaꞌa,