1 Maa ni kuu Dios san, ia saꞌa kaꞌnu san.
2 chi tee kueꞌe vi tee tnoꞌo ka kaꞌan kueꞌe siki san,
3 Te ka jionduu ña de jin tnoꞌo kiti ini,
4 Te visi kaꞌan too san jin de, su ka ndatniuyaꞌu kueꞌe de, chi ka kaꞌan kueꞌe de siki san,
5 Te nuu tniuu ja saꞌa san javaꞌa jin de, te ka ndatniuyaꞌu de jin jakueꞌe,
6 Te kani ni in tee kueꞌe ja na ndakoo siki de,
7 Te na tavi kuechi de nuu kiꞌin de ja kundaa ja jaꞌa de,
8 Te joo ni kiuu na koteku de,
9 Te na vi kendoo ndaꞌu seꞌe de, vi na kendoo ndaꞌu ñasiꞌi de.
10 Te na vi kokaka ndaꞌu seꞌe de,
11 Te na kikuei ñayiu ka ndita nuu de, te na vi kindei ndiꞌi ja nevaꞌa de,
12 Te ni in ñayiu ma vi kundaꞌu ini ña jin de,
13 Te na vi naa ndikin tata de, te na naa in jichi ni sivi de,
14 Te na ndakaꞌan Jitoꞌo jakueꞌe ni saꞌa tata de,
15 Te siun ni na kondakaꞌan Jitoꞌo yika kuechi yun,
16 Chi tu ni ndakaꞌan de ja kundaꞌu ini de ñayiu ka kundaꞌu,
17 Chi too de ja xtau tniaꞌa de ñayiu, te na nanakau tniaꞌa yun siki maa de.
18 Te na kekuiꞌnu de tniaꞌa yun na kuinio saꞌun de,
19 Te na kondii de tniaꞌa yun na kuinio in saꞌun,
20 Te yaꞌa na kokuu yaꞌu ja kuñaꞌa Jitoꞌo nuu ñayiu ka kaꞌan kuechi siki san,
21 Su maa ni, vi Jitoꞌo, saꞌa ni javaꞌa jin san ja na koo jayiñuꞌu nuu ni.
22 Chi tnaꞌu ini san, te tu saꞌun nagua nevaꞌa san,
23 Chi ndi joo ndi joo kuaꞌan san mayichi san, na kuinio kuandaꞌu ja kuaꞌan manaa,
24 Te vi suaꞌa ka kisi koꞌndo san ja mavikuita ja kuaꞌa jichi ondite san,
25 Te kuu san na ni kuinio in ja ka jaku ndee ñayiu,
26 Chituu ña ni, vi Jitoꞌo, ja kuu ni ia Dios maa san.
27 Saa te na vi kuni ñayiu yun, ja jin ndaꞌa maa ni, vi Jitoꞌo san, kuu ja ni saꞌa ni yaꞌa.
28 Te tu ni ja saꞌi ja ka xtau tniaꞌa ña jin san, su saꞌa vii saꞌa vaꞌa ña maa ni jin san,
29 Te na vi kendoo kanoo maa tee ka kaꞌan kuechi siki san,
30 Te jin yuꞌu maa san ndakuantaꞌu san nuu Jitoꞌo,
31 Chi kaꞌan niꞌnu maa ya ja jaꞌa ñayiu ka kundaꞌu,