1 Na saꞌa kaꞌnu san Jitoꞌo jin ndiꞌi san jin anu san.
2 Te vi ninii ni yeꞌe na kuinio ja ñutuu ni in saꞌun,
3 Te ni saꞌa ni veꞌe sukun nuu oo ni siki ndute,
4 Te tachi ja yiꞌi, saꞌa ni ja ka xtutenuu tnoꞌo ni,
5 Te ni sonee ni ñuyiu siki nuu ni sama guaꞌa ni,
6 Te ni skakondii ni jin ndute mar na kuinio in saꞌun,
7 Su nuu ni kuxeen ni nuu ndute yun, te ni jino de kuaꞌan de,
8 Ni ndaa sukun ndute yun ndee nuu yuku, te ni nujino de ndee chikoꞌi,
9 Te ni chikuaꞌa maa ni nuu kituu ndute mar,
10 Chi maa ni saꞌa ja taꞌu nuu ndute,
11 Te ndute yun ka jiꞌi kiti yuku,
12 Te yuꞌu ndute yun ka tnaa kiti ndagua taka ti,
13 Te maa ni joso ndute nuu yuku naꞌnu guaa ndee sukun jian nuu oo ni veꞌe ni, vi Dios,
14 Te saꞌa ni ja ka jite yuku kuii ja ka jaa kiti tata,
15 Te vi niꞌi ñayiu vinu ja ndasaꞌa sii ini anui,
16 Te joso guaꞌa maa Jitoꞌo yutnu ka oo yun
17 Te nuu ndaꞌa yutnu yun ka tnaa kiti ndagua taka ti,
18 Te nuu yuku sukun yun ka oo ndixiꞌu yuku,
19 Te ni saꞌa ni yoo andivi ja xneꞌe na kiuu ndakiꞌin in in yoo,
20 Te ni saꞌa ni janee ja kuu tnoꞌo jakuaa,
21 Te ka kañu ndikaꞌa ja ka nduku ti ja vi kaa ti,
22 Su nuu jinonta nikandii, te ka ndajiokuiin ti kava veꞌe ti,
23 Yun te kekuei ñayiu kuaꞌankuei ka satniui,
24 Nase kuakuaꞌa tniuu ni saꞌa ni, vi Jitoꞌo,
25 Te yun oo mar kaꞌnu vi jite ndevaꞌa nuu ka ñuꞌu kuakuaꞌa kiti ndute,
26 Te nuu ndute mar yun ka jika barco
27 Te ndiꞌi ti ka ndetu kaꞌnu ña ti jin ni, vi Dios,
28 Te jiñaꞌa ni ja vi kaa ti, te ka ndaxtutu ti,
29 Te nuu kujioo ni nuu ka oo ti, te ka yuꞌu ti,
30 Te nuu tetniuu ni Espíritu ni, te ka ndakaya ti,
31 Te nikuii nikani na koyeꞌe kotajan Jitoꞌo,
32 Te nuu ndiaꞌa Jitoꞌo nuu ñuyiu yaꞌa, te kisi,
33 Te nini teku san, te kokata san yaa nuu Jitoꞌo,
34 Te na kondetu kaꞌnu san ja junkuaan ini ya nagua ndakani ini san,
35 Te na vi naa ñayiu ka saꞌa yika kuechi nuu ñuyiu,