1 Konini ni joo tnoꞌo kaꞌan san nuu ndakuatu san nuu ni, vi Jitoꞌo san,
2 Ma chiyata ña ni jin san nuu tnaꞌa san tnundoꞌo.
3 Chi ñama kuiti kuaꞌan mandiꞌi kiuu ja teku san na kuinio ñuaꞌa,
4 Chi kuaꞌan ma kuita anu san, te ni yichi na kuinio yuku kuii,
5 Te vini ndatnii yiki san nuu ñii san ja kana ndaꞌu ndevaꞌa san.
6 Te kuu san na kuinio chiukun maa ja oo ti nuu ñuꞌu teꞌa,
7 Te tu kii ñuaꞌna nuu san ja kusun san,
8 Te ndiꞌi ni kiuu ka nani ña ñayiu ka kaꞌan uꞌu ña jin san,
9 Te jaa san yaa nuu tniuu ja kaa san xtaa,
10 Te ja jaꞌa ja kiti ini ndevaꞌa ni vi ja tu nini ña ni,
11 Te kuaꞌan mandiꞌi kiuu ja teku san na kuinio in kuandaꞌu ja yaꞌa kuaꞌan,
12 Su maa ni, vi Jitoꞌo, chi nikuii nikani oo ni,
13 Ndakoo ni, te kundaꞌu ini ni ñuu Sión,
14 Chi ka kutoo ñayiu ka jinokuechi nuu ni yuu nduei yun,
15 Te ñayiu ndiꞌi ñuu vi koyuꞌu niꞌnu ña jin Jitoꞌo,
16 Chi nuu ndasaꞌa Jitoꞌo ñuu Sión,
17 Te konini ya tnoꞌo ja ka ndakuatu ñayiu ni ka kendoo ndaꞌu,
18 Te na vi tee tnoꞌo yaꞌa, nagua ja na vi kuni ñayiu vajikuei nuu kuee ka,
19 Chi ni ndiaꞌa Jitoꞌo ndee ini veꞌe ii nuu oo ya ndee andivi,
20 nagua ja konini ya nuu ka kana ndaꞌu ñayiu ka yiꞌi vekaa,
21 nagua ja na vi kana ndoso sivi Jitoꞌo nuu ñuu Sión,
22 nuu vi ndututu ñayiu ndiꞌi ñuu,
23 Ni skuita ña ia Dios jin san nuu ichi jika san,
24 Te jiñaꞌa san: “Tata Dios, ma ndakuaka ña ni nuu inka makuu maꞌñu san,
25 Chi ndee jaxtnañuꞌu ni saꞌa maa ni ñuyiu,
26 Te ñuyiu vi andivi, chi vi naa,
27 Su maa ni, chi in ni oo ni, te tu sama saꞌun ni,
28 Te seꞌe ñayiu ka jinokuechi nuu ni,