1 Anu rey, chi kuu na kuinio in jichi nuu jika ndute,
2 Ndiꞌi ni ja ka saꞌa maa ñayiu ka ndakani ini ja guaꞌa ka saꞌi.
3 Ja saꞌa ndao vi saꞌa guaꞌo kuu ja junkuaan ini Jitoꞌo,
4 Nduchi nuu ja saꞌa teyii, vi anu ja kuu vixin,
5 Ñayiu ndakani guaꞌa ini, te saꞌi, chi kee guaꞌi.
6 Ja niꞌi ñayiu ja jinkonevaꞌi nuu xndaꞌui inka ñayiu,
7 Nuu ka suꞌu ndevaꞌa ñayiu kueꞌe, te yun vi naa mai,
8 Ichi nuu jika ñayiu kueꞌe ndevaꞌa kuu ichi yakua vi ichi ja tu jini.
9 Guaꞌa ka kuu ja koo in yuveꞌe,
10 Ñayiu kueꞌe, chi maa ni jakueꞌe ndakani ini ja saꞌi,
11 Nuu tniuyaꞌu ñayiu kuasun ini ja saꞌi, te kuu ndichi ñayiu tu jini naxa saꞌi,
12 Ndiaꞌa Dios, ia ndaa, veꞌe ñayiu kueꞌe,
13 Na in tu nini tnoꞌo kaꞌan ñayiu kundaꞌu nuu jikan taꞌui,
14 In ja kutaꞌu yuꞌu ñayiu saꞌa ja yaꞌa ini jin ja kiti ini,
15 Ñayiu ndaa, chi ka kusii ini nuu ka jaꞌnde ndai kuechi.
16 Ñayiu kujioo nuu ichi tnoꞌo ndichi,
17 Ñayiu jinkuaan ini ja kusii ini jin yiki kuñui, chi kokuu ndaꞌui,
18 Te ñayiu kueꞌe, chi tniuyaꞌui jin jakueꞌe kaꞌin ja saꞌi siki ñayiu ndaa,
19 Guaꞌa ka kuu ja koo nuu tu na ñayiu oo,
20 Veꞌe ñayiu ndichi, chi oo kuaꞌa ndatniuu vii vi tatna xiko,
21 Ñayiu nduku ja saꞌa ndai vi ja kundaꞌu ini ñayiu,
22 Kundee ñayiu ndichi siki ñuu ñayiu ndakui,
23 Ñayiu jito vaꞌa yuꞌi na tnoꞌo kaꞌin,
24 Seꞌe ja kuasun ini vi ja teyii vi ja ña kanoo,
25 Ja ndioo ini ñayiu kuꞌndu kuu ja kaꞌni ña jin,
26 Te ndiꞌi ni kiuu jioꞌi ja niꞌi.
27 Skexiko Jitoꞌo ja ka soko ñayiu kueꞌe,
28 Testiu tnoꞌo, chi naa.
29 Ñayiu kueꞌe, chi saꞌa ndei ini anui.
30 Tu na tnoꞌo ndichi, ni ja jinkuiꞌnu ini,
31 Ka saꞌa tuaꞌa ñayiu kuai ja kiꞌinkuei nuu vi kaxin tnaꞌi.