1 Nuu ja kuantaꞌu ron tnoꞌo kaꞌan rin, vi seꞌe,
2 te konini guaꞌa jin soꞌo ron tnoꞌo ndichi,
3 te nuu ja kana ron nuu tnoꞌo ndichi ja taa ja junkuiꞌnu ini ron,
4 te nuu ja nduku ron tnoꞌo yun na kuinio nuu ka nduku kaa kuu plata,
5 yun te junkuiꞌnu ini ron ja koyuꞌu niꞌnu ron Jitoꞌo,
6 Chi maa Jitoꞌo kuu ia taa tnoꞌo ndichi,
7 Te maa ya kuu ia jiñaꞌa tnoꞌo ndichi nuu ñayiu ndaa,
8 Maa ya tavaꞌa ichi chindaa ja ka jika ñayiu ka saꞌa ndaa,
9 Yun te junkuiꞌnu ini ron ja saꞌa ndaa ron,
10 Chi kee tnoꞌo ndichi yun ini anu ron,
11 Te ja saꞌa ndaa ron koto ña jin ron,
12 Te tnoꞌo ndichi skaku niꞌnu ña nuu ichi kueꞌe,
13 ja ni ka xndendoi ichi ndaa,
14 Te ka kusii ini nuu ka saꞌi jakueꞌe
15 Chi yakua ichi ka jikai,
16 Te suni skaku niꞌnu ña tnoꞌo ndichi yun nuu ndaꞌa inka ñasiꞌi,
17 ñaꞌa ni xndendoo tee ni ondeka tnaꞌa jin ña ndee nuu kuechi ña,
18 Chi tee kuaꞌan jin ña veꞌe ña kuu na kuinio ja kuaꞌan de ja kuu de,
19 Te ndiꞌi tee kuaꞌankuei nuu oo ña,
20 Nuu saa, te kokaka ichi ka jika ñayiu guaꞌa,
21 Chi ñayiu ndaa, guaa vi koi nuu ñuꞌu maa ia Dios,
22 Su ñayiu kueꞌe, chi ma vi koo kai nuu ñuꞌu yun,