1 Ñayiu saꞌa siin mai nuu sava ka ñayiu, chi maa ni javaꞌa mai ndukui,
2 Ñayiu vasa, chi tu junkuaan ini ja kutuaꞌi,
3 Nuu vaji jakueꞌe, te suni vaji ja skexiko ña,
4 Tnoꞌo ja kaꞌan ñayiu kuu na kuinio ndute ja ñuꞌu kunu yute nuu jika de,
5 Masu vatuka kuu ja chituo ñayiu kueꞌe,
6 Ñayiu vasa, chi kaꞌin ninoꞌo ni tnoꞌo ja tee tnaꞌi,
7 Tnoꞌo kaꞌan ñayiu vasa yun kuu ja skunaa ña jin mai,
8 Te tnoꞌo ja kaꞌan ñayiu tnoꞌo kuu na kuinio in javixin
9 Te ñayiu kuꞌndu ja satniui vi ñayiu jinkuaan ini ja xnai nagua nevaꞌi,
10 Sivi maa Jitoꞌo kuu na kuinio in torre ndakui,
11 Ñayiu kuika, chi jakuika nevaꞌi kuu na kuinio in ñuu ja ndesi guaꞌa,
12 Tnaꞌa ñayiu tnundoꞌo nuu saꞌa teyii mai.
13 Ñayiu kaꞌan ama ka ja konini,
14 Nuu kuꞌu ñayiu, chi anui saꞌa ja ndaniꞌi ndei.
15 Anu ñayiu jinkuiꞌnu ini nduku tnoꞌo ndichi,
16 In ja skutaꞌu ni ñayiu june ichi,
17 Nuu jino ñayiu xtnañuꞌu ja kaꞌan niꞌnui ja jaꞌi, chi kokaꞌon ja tu na kuechi tavi.
18 Nuu ka jitotnuni, te ka jini na in oo kuechi, na in tuu,
19 Te in ñani ja ni ka saꞌa ña jakueꞌe jin de, chi viꞌi ka saꞌa ndee ini de saa in ñuu kaꞌnu ja ndesi guaꞌa.
20 Jin tnoꞌo kaꞌan ñayiu chitu chii,
21 Nuu yuꞌu ñayiu oo ja tekui vi ja kui,
22 Na in ni niꞌi ñasiꞌi, te ni niꞌi ja jinkoo vaꞌi,
23 Ñayiu kundaꞌu, chi jikantaꞌui nuu kaꞌin.
24 Ka oo ñayiu ja ndeka tnaꞌa guaꞌa jion ja ñama kachi yata ñai jion.