1 ती ज्युक्ला येलुङ देवाच्येन नेमा कोन्छ्योककी लेन क्योलुप थु यम्बा च्यिक वुङ्यिन वोतुप ति ङे थोङ्सुङ। ती ति छासे ओङ्ज्येन ग्येर्पु वोतुप नोक। ती नेसुर वुङ्गुप वोसिरकी जम्बुलिङ तेरी ठछ्येली गाल्सुङ।
2 तमा तीकी कशेन थोर ग्यप्नी दुक सिनी वोरु तेन्सुङ,
3 च्यिलासिसिन ती बेबिलोन ग्येसाकी मीतिवी शम्डेन क्यावु तप्की कोन्छ्योक नेमा ख्येलुप ङ्यिर्मुकी गुन्डुम छ्याङ ति तेरी मिरिककी मीतिवी थुसुङ।
4 तमा येलुङ देवाच्येन नेमा दुक सिरुप यम्बा वोरु यी साङ तेन्दुप ती ङे थोसुङ।
5 च्यिलासिसिन ती ग्येसाला वोतुप मीतिवी क्यावु दिक्पातिवा मङ मङ देवाच्येन सेक लेम वे।
6 तुक क्यानी तिवी मी यम्बाला काङ क्यावे,
7 तिवी चो खुरुङ ति
8 तुक क्यानी ङ्यिमा च्यिकला राङ ती ग्येसाला नेजु ग्यकुप ताङ शेप ताङ ङुप्राङ कितुप ताङ ल्होवारेला डोप दुक्पा ङ्येकिवी।
9 ती ग्येसा छिकुप तुता थोङ्नी तीकी मुला शम्डेन कितुप ताङ तिवी मुला गा ताङ किर्मु कितुप जम्बुलिङकी ग्येल्वुतिवा सेम्दुक लानी ङुप्राङ किवी।
10 ती ग्येसाला छेटाङ बिन्दुप थोङ्सिमा तिवा ज्यिवा लानी थाक्रिङ्बुला देनी
11 तमा जम्बुलिङकी छोङ्मेनतिवा साङ ती ग्येसाकी थोक्ला सेम्दुक क्यानी ङुप्राङ किवी। च्यिलासिसिन तिवी छोङकी च्यालकतिवा सी साङ मोङ्योवी।
12 तिवी छोङकी च्यालकतिवा ति सेर ताङ ङुल ताङ गोङ नावु यु ताङ च्युरुक, तमा गोङ नावु नेङेनकी रातिवा ताङ रा मुक्पुतिवा ताङ बुरा ताङ रा मर्वुतिवा, तमा तेरी नम्बा कुतुक कुतुककी टी जङ्बु वोतुप शिङतिवा ताङ लङ्बी छ्येलकतिवा ताङ गोङ नावु शिङ ताङ काँसा ताङ च्या ताङ येम्ज्ये,
13 तमा दालचिनी ताङ मसला ताङ पोराङ ताङ टी जङ्बु खाप पो ताङ टेमा जङ्बु खाप मेन, रा गुन्डुम छ्याङ ताङ नुम ताङ फे ताङ ट, तमा छ्युङ्मातिवा ताङ लुकतिवा ताङ ततिवा ताङ तखुरतिवा, तमा योक्पुतिवा ताङ मक ग्यप्नी जिम टि वावु मीतिवा यिन।
14 तमा ती छोङ्मेनतिवा दुक सिवी, “ओ बेबिलोन ग्येसा, ख्योरो सेमला गलुप तेरी शिङ्तोकतिवा तोर्सुङ। ख्योरो टोङ्बा ताङ ख्योरो मोवातिवा तेरी तोर्सुङ। त याङ ख्युरुङला ती च्यालकतिवा नाम्साङ मेङ्येवी।”
15 ती ग्येसाला छोङ क्यानी छ्युक्पु गलुप मीतिवा ती ग्येसाला छेटाङ ख्येलुप थोङ्सिमा ज्यिवा लानी थाक्रिङ्बु गल्नी ङुप्राङ कियी दुक सिनी ङ्येन्बी सोक तोङ्गिवी,
16 “ओए ओए ग्येसा ग्येर्पु बेबिलोन,
17 यिने उकुर च्यिकला राङ ख्योरो टोङ्बातिवा तेरी ना गाल्सुङ।”
18 ती ग्येसा ग्येर्पु छिक्नी तुता थेन्दुप थोङ्सिमा “ती ग्येसा ग्येर्पु दोके याङ यम्बा चुका ति वोतुप्जा।” सिनी वोरु देन्गिवी।
19 तिवा सेम्दुक कियी सिरा दाक दाक्पी गोला थला लुक्नी ङुप्राङ कियी सिरा,
20 ओ देवाच्येनला वोतुपतिवा ताङ तेपा कितुपतिवा ताङ लोमा छ्येतिवा ताङ लुङ्तेम्बातिवा,
21 ती ज्युक्ला ङार छ्येवु देवाच्येनकी लेन क्योलुप थु मिरा च्यिककी लाकुर ग्येर्पु दोके दो च्यिक तेक्नी ग्येम्छो नाङ्ला क्युरिन सिरा,
22 तमा डम्ङ्याङ टिलुपतिवा ताङ लु लङ्गुपतिवा ताङ लुमु पुतुपतिवा ताङ ग्येलिङ पुतुपतिवी वोरु ति ख्योरो नाम्साङ मोथोतो।
23 ती ग्येसाला नाम्साङ दिप्लीकी वोसिर मेङ्गितो।
24 तमा कोन्छ्योककी लुङ्तेम्बातिवाला सेनी ठक तेन्दुप ताङ तेपा कितुपतिवाला साङ सेनी ठक तेन्दुप ताङ जम्बुलिङकी मी तेरीला सेनी ठक तेन्दुप ति ती ग्येसा नेमा राङ थोङ्गुप तप्की यिन।”