1 Kinda kawânda ndaŋge ilâ pa Yova Kindeni, ŋana tu i nde ara tamwata.
2 Kinda taporo ndaŋge ilâ pa Maro Kindeni, ina ipolenzi maro rârâni.
3 Kinda taporo ndaŋge ilâ pa Maro Ŋalae, ina kala ipolenzi tamâta ŋalaŋala rârâni simo tâno kulu.
4 Ina simbo nâ uru iveta mâsi ŋalaŋala.
5 I ne ilo-kalo nde ŋalae ndo; mine kala ipulia samba ipâŋga lâ.
6 Ina io tâno imandi lââ kulu.
7 Ina ionzi sinâla ŋalaŋala sipâŋga samba tini.
8 Aku ina io kari tu ikatona mbwale.
9 Ina io nzimona tavanzi pitu tu sikatona mbo.
10 Ina nanayoni ivilanzi timbunda, kala ipunzi Isip tamâta natunzi tamâne nzâla-kulu pâta sipamateteu.
11 Ŋineŋga ina ikainzi Isrel ŋgu sipile Isip tâno siyâti simâ.
12 I tamwata ne walo nde kaika ndo, kala iveta mine.
13 Aku muli ŋga ina ipu Tâi Ŋiŋi kala ipwa pwataki mo rua.
14 Ŋineŋga ina ikainzi ne tamâta soka mâsa-mâsa nâ lâ tâi ŋgini simbwaliu silâ.
15 Andeta ipatuku Isip nenzi koipu ŋalae tavanzi ne zugu tamâta sinu lââ kala sipamateteu lâ.
16 Aku ina imuŋga panzi ne tamâta soka nia bilimu silâ.
17 Ŋineŋga ina ipunzi koipu kaika ŋalaŋala pâta simâte.
18 Kinzi koipu ŋalaŋala ŋinde nawalanzi pinde nde ŋanzi ŋalae, andeta ipunzi pâta simâte.
19 Ina ipu Amor ŋgu nenzi koipu ŋalae Sihon pâta imâte.
20 Aku ina kala ipu Basan ŋgu nenzi koipu ŋalae Ok pâta imâte tona.
21 Ŋineŋga ikai kinzi koipu ŋalaŋala ŋinde nenzi tâno, aku ikisi keri panzi ne tamâta.
22 Ŋineŋga tâno ŋinde ilanzi ne wurâta tamâta Isrel.
23 Kinzi simo lee aku muli, ŋineŋga nenda kazâŋa tamâta sipole kinda lâ, andeta i ŋandai kalo kapa ŋana kinda ŋga.
24 I kalo ŋgere kilo ŋana kinda kâ, kala ikai kinda piti lâ nenda kazâŋa tamâta mbaunzi ilo.
25 Ina uru kâpwa ilanzi kelekele rârâni simo vianzi.
26 Mine nde kawânda ndaŋge ilâ pa Maro Kindeni, inani imo samba ilo.