1 Yesu Kristo aamaal ponn ni aayimbil le bi kigbaŋ kee ponn ni. U nan ye Ubɔr David aayaabil la. David mu nan ye Abraham aayaabil.
2 Abraham le nan ma Aisak, Aisak mu ma Jakob,
3 Juda mu ma Peres ni Sera. Bina aayimbil le nan ye Tamar.
4 Ram mu ma Aminadab, Aminadab mu ma Nasonn,
5 Salmonn mu ma Boas. Una aayimbil nan ye Rahab la.
6 Jese mu ma Ubɔr David.
7 Solomonn mu ma Rehoboam, Rehoboam mu ma Abija,
8 Asa mu ma Jehosafat, Jehosafat mu ma Joram,
9 Usia mu ma Jotam, Jotam mu ma Ahas,
10 Hesekia mu ma Manase, Manase mu ma Amonn,
11 Josia mu ma Jekonia ni unaabitiib buyoonn baadim nan faa bi butɔb ki chuu bi buen Babiloŋ na.
12 Baah chuu bi ki di buen Babiloŋ ni na, nee aapuwɔb le
13 Serubabel mu ma Abiud, Abiud mu ma Eliakim,
14 Asor mu ma Sadok, Sadok mu ma Akim,
15 Eliud mu ma Eleasar, Eleasar mu ma Matann,
16 Jakob mu ma Josef, u ye Mari aachal na.
17 Abraham yoonn ki yoor kina ki ti saa Ubɔr David yoonn na nan ye yaajatiib kipiik ni binaa la. David yoonn ki yoor ki ti saa buyoonn baadim chuu bi ki di buen Babiloŋ aatiŋ ni na nan ye yaajatiib kipiik ni binaa la. Buyoonn baadim chuu bi ki di buen Babiloŋ ni na ki yoor ki ti saa Kristo yoonn na nan ye yaajatiib kipiik ni binaa la.
18 Baah ga nan ma Yesu Kristo na, le bi nan puu ke bi ga di una Mari ki di tii Josef. Baa nan kee kunn u, le bi kan ke u kpa lipuul Uwumbɔr Aafuur Nyaan pu.
19 Uchal Josef aah ye uninyaan na, le waa ban ke u jinn u inimɔɔn. U ŋa nlandak ke u loon ki yii u.
20 Waah dakl tibɔr ngbaan kina na, le u kan Uwumbɔr aatuun ubaa tidaŋ ponn ni. Le Uwumbɔr aatuun ngbaan bui u, “Josef, Ubɔr David aayaabil, taa yii ke saan joo Mari u li ye aapuu; ba pu? Uwumbɔr Aafuur Nyaan le tii u lipuul ngbaan.
21 U ga maa ubijabo, le aa ga yin u ke Yesu; ba pu? uma le ga nyan waanib baatunwanbir ni.”
22 Nimina mɔmɔk nan ŋa ke ni gbiin Uwumbɔr aah nan cha waabɔnabr len pu na ke,
23 “Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)
24 Le Josef finn ki fii le ki nan ŋa Uwumbɔr aatuun aah tuk u ke u ŋa pu na, le ki yoor Mari di ŋa upuu.
25 Waa nan doon u chee le u nin ma waajan aabijabo. Le Josef yin u ke Yesu.