1 A'a ei mamama'a mina, mei Haidaa na warenaa a'a ei amaa o'ou watauda au ma wagii hefi'a tala;
2 ma'uaa laloo eni a'apoo arewaa eni, ina warenaa a'a o'ou a'a mei Na'una, mei ba ipowe tonaa minaa ei manumanu, mei i a'ana na bigi'aa minaa ei manumanu haroo pafea.
3 Mei Na'u, hia ale'ei fei haweraa mei Haidaa ma hia pa'aa maumau fei maumauna ma ba i fani haduma a'a minaa ei manumanu wagii fei wareana, fei na faufau. Nenee fei fafafa'araiana ei hafelo'aa ei rama'a, inawe guta pepei ma'au mei Hapara pafea.
4 Si'ei, hia napa'aa pafeai laraa ei alo'alo ana ale'ei fei hara i tonia, na muainaa ei haraa ro'ou.
5 Hamatee, a'a hini alo'alo mei Haidaa na ware ale'ei ba,
6 Ma hepalodiai, mei Haidaa, ei i fatoroaa mei uma'ua na'una yeni malagufu ina ware ba,
7 Mei Haidaa na u'ugaa ei alo'alo ale'ei ba,
8 Ma'uaa ina u'ugaa mei Na'una ale'ei ba,
9 Yoi, ona haguaa fei wanewanea ma fabidinaa unumu ei hafelo'a;
10 Ana ina ware ba,
11 Ro'apowe apa'ai, ma'uaa yoi, o oalao;
12 O'aa du'umaa ro'ou ale'ei hawaa ugu;
13 Mei Haidaa, lomi na ware a'a hemea alo'alo ale'ei ba,
14 Haa, a'a ba minaa ei alo'alo ale'ei spiritii oma'ama'aa ma ina aloaa ro'ou ba ronei hadumaa ei ba ro'aa tonaa fei tela'ana?