1 Li jiitu tey Yàlla waxoon na ak maam ya ci wàll yu bare ak ci tëralin yu wuute jaarale ko ca yonent ya.
2 Waaye ci mujug jamono jii nu tollu, Yàlla wax na ak nun jaarale ko ci Doom ji. Doomam jooju la Yàlla jagleel lépp, te ci moom la Yàlla jaar, sàkk àddina.
3 Doom ji moo di leer giy jollee ci ndamu Yàlla, di ki dippeekoo ci Yàlla. Moo téye àddina ci kàddoom gu am doole gi. Te bi mu ubbee bunt ba nit di selle ci ay bàkkaaram, dafa toog fa ñu koy terale ca ndijooru Aji Màgg ji ca kaw,
4 wone noonu ne moo gëna màgg malaaka yi. Te it Yàlla jox na ko tur wu sut seen tur.
5 Ndaxte Yàlla masula wax kenn ci malaaka yi ne:
6 Waaye bi muy yónni Doom jooju di taaw bi ci àddina, da ne:
7 Ci wàllu malaaka yi, lii la ci Yàlla wax:
8 Waaye ci wàllu Doom ji, lii la ko Yàlla wax:
9 Sopp nga njub te bañ lu bon.
10 Newaat na it:
11 Yëf yooyu dinañu wéy,
12 Dinga leen taxañ ni malaan,
13 Waaye Yàlla masula teral kenn ci malaaka yi, ba di ko wax:
14 Malaaka yépp ay xel lañu rekk yuy liggéeyal Yàlla, mu di leen yónni ñuy dimbali nit, ñi nara jot mucc gi.