1 Anutu, natane musipmaatangu gae gaak wam ganinangge take siknga nataat.
2 Nata gae natake nata kau apbakngananga aknga tainggat.
3 Dasingge, natane iwanata ga ganduke waakwakga atdatakukaing.
4 Gata wamu noman gan usanziwi waaminda kungwakaing.
5 Ngan, gata katum aminde kaanga wam yanikuyak. Yanike gata wai aminu gwa pasiwi maiking.
6 Gata iwanu gwa pasiwi maikingu ina unzing asinggan asinggan yutning.
7 Siwan Buyambamtapa Kingu asinggan asinggan yuwik.
8 Ita aminu kuupbam noman siknga kayuak.
9 Buyambamtapa you kekeknga gwenduta binga yuak.
10 Buyambam tapa, gata aminu gae apukaingu masa dua yamunggayak.
11 Buyambam tapata King siknga Saion yotbam gapmane yuakge ginu kuupbamda ie kau taike umana aknga yatangenatnong.
12 Buyambam tapa, aminu amin zipa kungwakaing aminde yake toknga yamunggak kapata atnatanggamatanggak.
13 Siwan Buyambam tapa, iwanata meya nae namukaingge kayo.
14 Unzingge nata sanga kuupbam gata tasikuyakge yanitakuke gatane umanda yatangenawit.
15 Sike katum aminda kepdakaatang gapma nin panggaganuwikge kwaiking ngana waaminda ina pimaking.
16 Anututa inane yuyuknga waaminde tapduu wam yakaing komune yeuyamunggak.
17 Wai aminu kuupbamda gwa kumbing aminda yuaing komune paku yutning.
18 Siwan ngana asingganu Anututa aminu sangaapana wenae dua botawik.
19 Siwan Anutu, ga apso. Gata aminu dua kapewi gae yamandet tasining.
20 Buyambam tapa, gata pasiwi waaminu asiknga gwautnong.