1 Buyambamtapa, nata kau asinggan gatane butaya wamde yanggak kaknga asinggan taiwit.
2 Nata yanikapmake gata ninde musip gwaangu asinggan asinggan natanimunggayakge yaniwit. Sike gatane siakan wam taknga tapatekwan binga dua singgakge yaniwit.
3 Gata anzing yakuyak, “Nata aminu tapatu gwa yawa yukut. Siwan pasap wam taknga iat yata kekekakut.
4 Siwan nata anzing inikum, “Masande aminu gatane dongune nana aatningu kuut kingu dakngake yutning.
5 Buyambam tapa, angela yekaune yuaingga noma nomana tasikuyakge kau taikaing. Taike ita gatane umanda yatangenakaing.
6 Dasingge, Buyambam tapa, aminu yekaune tapatu ga binga tapatu wena.
7 Sike angelata paut tasikengu gae akgwaukaing.
8 Buyambam tapa, ga Anutu kekekngaka bamban tapa, aminu tapatu kekeknga buyambamu gata pake yuayak binga wena.
9 Siwan gata yanggabamu kekekngana kaya gwenu kayuak.
10 Gata Isip nana amindane kekekngana kuupbam gwa zipbuke pasiwi maiking.
11 Sike yekapat gatu kepdakaat ngangu gikanekan.
12 Siwan gatakan keu kuupbam pasike tekuyak.
13 Gatane kekekngaka buyambam siknga.
14 Gata king kapa yuke aminu kuupbam noman takngane kayuwayak. Sike aminu wam yot gwene usanzikgayak kaya noman gan tasinggayak.
15 Sike aminbamda umanda yatangenakaingu apbaknganing.
16 Sike waaminu umanda kopsa akngae kwakngaom gatu zikaane ngangu apbakngake yatangenakaing.
17 Dasingge, gata ninu kekekanimi umaninda kopsa aknga siwan ninda asiknga bakngakamang.
18 Siakan. Gata gika nindane kuyanin yuak kapa yawi yuak.
19 Tupa siknga gata mia takngatu puya aminda sikngae yamukuyak.
20 Ngan, nata Deviu king kapa dakngawikge wel gwapakngane tukwamba gindane king kapasa dakngakut.
21 Unzingge natane kekekngana iat gatake asinggan yuwik.
22 Sike iwanata amak tasike i yapbitnanga dua.
23 Siwan nata itane iwana yainggamumbit.
24 Sike ie nata take natangamuke iat gatake asinggan yutzim.
25 Siwan kepna imiu yanggabamu
26 Sike ita nae naninggamatake anzing yawik,
27 Siwana nata yawa waaknga tupan tapa dakngake
28 Sike nata ie take siknga asinggan natangamit.
29 Ngan, aminu itane dongane nana tapatuta kingu asinggan dakngawik.
30 Siwan ngana itane bapuna masan aatningga
31 natane noman taknga dua ba tawaning,
32 Ayok! Nata wai aknganae natapa kuwan nata meya yake yamit.
33 Siwan ngana tapduu waomune Devitde dongge take siknga natangamit, tendeknga wena.
34 Sike nata pasap wam taknga iat tasikumau dua zipbuwit.
35 Na Anutu noman takngakan tasinggat tapanin. Na waakngae natapa siwan wamu waaknga yawa kekekakut.
36 Sike wamu inikumu itane bapuna wena dua sining. Waakwau asinggan yutning.
37 Sike waakwaau asinggan yutning.
38 Siwan ngana apmanu kingu gika yawi yukut tapae kaanga natangamunggayak.
39 Sike wamu takngatu puya amindaat yawat kekekakut taknga gwa sandekgayak.
40 Gata itane damanu yotbam gapmae tasibasikuu
41 Sike aminbamde wagwak saak kuke sangana kakengu kukwae apakaingunin.
42 Ngan, gata itane iwana akapewi amak tasike ayapbiking.
43 Gata tasiwi itane amak amina dua kekekake ambing.
44 Gata umana kopsa king ngang iniking kaknga sandewi umana waaknga gatu dua yuak.
45 Gata tasiwi aminuake zet siknga siwan
46 Buyambam tapa, ga ninde tape mamayasim kusopuya? Ba asinggan?
47 Buyambam tapa, butaya gata ninu tapduu dapaknga yuamang aminde natapso. Gata ninu tumukuyak.
48 Maminda asinggan asinggan yuke dua kupik? Maminda kekeknga yuke aminda kupan kwaipeaing komune dua kuwik?
49 Buyambam tapa, sike dasing? Apmanu ninde take dua nataayak ba?
50 Buyambam tapa, gata na puya amin tapakae natanggamatayo. Aminda nae sapdut wam nanikaing.
51 Buyambam tapa, gata na king kapa dakngake yuwitde napmakuyak.
52 Ninda Buyambam tapatane umana asinggan asinggan yatangenatnim.