1 Anutu, dasingge gata masa ninde nimukuyak?
2 Gata ninu amindabamde gatuka natanimuyo. Tupa siknga nindane bapuninu amindabamu gikae papi yuking.
3 Sike nindane iwaninda apuke sangabamu you gatane buyambam gwene yuaingu gwa pasiwan maiking.
4 Gatane iwandata apu yotda gwa take yanggamatake tandotdonguke tasiking.
5 Gatu katap sanu gikane yotda gwekatang yuaingu
6 Sike katap sanu tuwanga gatu kunzi kunzina kaya pasike peya waaminda apuke
7 Zipmakapmakenga gatane yotda gwekaa katapda satewan isikut.
8 Sike waaminda musiaatangu ninu asiknga yaipakepnangge natapbing.
9 Sike tuwangu gata tupa ninde yeutnimukuyak ngana apmanu dua yeutnimi tuwangu wa binga dua kaamang.
10 Anutu, tapdukbamu yutnimu iwaninda sapdut wamu unzing ganikaning?
11 Dasingge gata gatanimunanga dua?
12 Siwan ngana Anutu, tupa siknga ga nindane King kapanin dakngake yukuyak.
13 Sike gikane kekeknga akngane yanggabam gwenu wesiwi kaukaut paku yukumayak.
14 Ngan, gata pukpuu buyambamu tapatane gwapaknga wesikuyak.
15 Sike gata tasiwi yangga kepbanang katangga akoke zipmake kuking.
16 Gata kakaa akngaat gatu zikaa dakaat pasikuyak.
17 Siwan tuwangu yanggabamdane kwaimtapa takngai binga gwa tekuyak.
18 Buyambam tapa, ga ma siknga botawim. Iwandata gae sapdut wamu asinggan yakaing.
19 Sike gikane aminda kekekngana wena. Unzingge gata dua nindupewi iwaninu waakwakga ninu pasiwan mainim.
20 Sike keu kuupbam ninda yuamang kokopatangu, amak kaknga yumdekan tasikaing.
21 Gata dua kapewi wai aminda aminu kundu yainggamuke pasiwa datakuke maakaning.
22 Anutu, gata apuke wamu kekeknga aknga iwandae yaniyo.
23 Sike iwandatanu asainggamatake ga akganisapdukaing. Ita kapzang siknga asinggan ainggamatakaing kaknga natake moo ma yuwim.