1 Buyambam tapa, gata musiptou nae natayak kakngane nae kaanga ma natapim.
2 Gata na sakutdata siakande siknga nambuyuak.
3 Gata nae kaanga natapi na maiu waiaknga singgat.
4 Gutonga tasikum takngae na meya siknga nataat. Siwan meya waakngata na gwa usikwatanapmakut.
5 Sike wata natane gupmaatang nana kwaapzang siwan kapanga siknga sikaing.
6 Sike musip maatangu meya buyambam siknga yuak. Siwan na apmainggat.
7 Natane gupma toknga siknga katapda binga nasinggak.
8 Nata asiknga tuyukake wai siknga yuat. Unzing sanga tapatuta na kekeknga siknga nutapaakusinggak binga.
9 Buyambam tapa, nata musip maatang kekeknga nataat taknga ga atnataayak.
10 Sike natane wam nanang puya kekeknga siknga pasinggak. Siwan natane kekekngana kuupbam wena siknga singgak.
11 Siwan aminu notnabam nae wesim apnangge apbitakaing. Natane watana kanangge apbitakaing.
12 Siwan aminu atnutapan kupitde nataaing aminda yapapna ba bungepna ngangu na tanggaganuwikge pandakngake peaing.
13 Sike na katum amin gena kusia apa binga yuke wam yakaingu dua nataat.
14 Sike na aminu tapatu wamu dua yanggaak binga.
15 Siwan ngana Buyambam tapa, na gae banip singgat.
16 Na tumuk wamu gae anzing ganikum. Gata natane wama dua kapewi wa tasining takngae baknganing.
17 Dasingge, na paa siknga pimanggat.
18 Nata gae gutongana yakapmanggat.
19 Natane iwana kekekngana kaya aminu buyambam.
20 Sike natanu ie takeakngakan tasiyamunggat. Siwan ngana ita nae yake waiaknga tasikaing.
21 Buyambam tapa, na ma napmambim.
22 Buyambam tapa, ga aminu na gatangamunggayak kapanin.