1 Buyambam tapa, King kapa gata kekeknga imukuyakge gae apbaknganggak.
2 Sanga ita musiaatang take nataau gata gwa imukuyak.
3 Ita gae apan gata gaak wam inike sanga take siknga aknga imukuyak.
4 Ita kayuk yutnanga akngae ganiwan gata asiimukuyak.
5 Gata gatangami ita iwana kuupbam yapbike umana enane siknga kopsa apa dakngake yuak.
6 Gata ie take siknga tasingamunggayak. Siwan siakan siknga, gata unzingu asinggan asinggan tasinggayak.
7 Siwan kingu waapata Buyambam tapae banip tanggak.
8 Ngan, ga king kapata iwanda kuupbam panggaganuwiyak.
9 Gatu ga kakaa komune apukengu gata iwanda pasiwi sopuning.
10 Siwan ga king kapa, iwandatane waatdakana kuupbam zipi kumning.
11 Waaminda natdeu pake gatu wamu yandeke gae wai tasinangge yaning.
12 Dasingge, gata sakutdata yamake pasiwi kake atdatakuning.
13 Buyambam tapa, gata kekeknga buyak api umanda buyambam siknga siyok.