1 Ginda Buyambam tapae asiknga inimbaknganong. Dasingge? Ita take siknga tasinggak kapanin.
2 Ginda Buyambam tapae asiknga inimbaknganong. Ita anutu pupuknga apaapa gwa yapbikut.
3 Ginda Buyambam tapae asiknga inimbaknganong. Waapa aminu tupan tapa apatane Buyambam tapana unin.
4 Wa awiaapatakan duya buyambam takngatu takngatu asinggan asinggan pasinggak kapanin.
5 Inane natdetdetnaneta ena yekap gwekat gatu sanga wagwene yuaingkat pasike pekut.
6 Ita kepdaka engatangan tasike teke gatu yangga amaakatang pasike pekutde natake inimbaknganong.
7 Ita gunzit gatu yekau zikaane kakaa nimunggak gwen ngang pasike pekut.
8 Ita gunzit tasiwan akwakanggak ge kuyana yuak.
9 Ita tasiwan yekap gatu yekapdaak ngang zikaa dakatane kakuya tasinggak.
10 Ita engangu waatdaka Isip kep komune nanatane tupan tapa apa zipa kumbing.
11 Ita Isrel nana aminbamu yanipakapan Isip kepkom teke apbing.
12 Ngan, inane kekeknga akngananeta waaminu yanipakapbut.
13 Ita tasiwan yanggabamu Ret Si gwenu kaukaut wesiwan kukut.
14 Ita tupan kuke aminabamu yanipakapan yanggabamu wagwende banakan kuking.
15 Ita tasiwan kingu Isip nana apa gatu itane amak amina ngang yangga tangoke kuupbam kumbing.
16 Ita tupan kuwawan inane amina keu sanga wena kepban komune tawaking.
17 Ita kingu kekeknga yukingu atzipa kumbing.
18 Ngan, ita kingu umana kaya apaapa atzipa kumbing.
19 Ita Kingu Sihon, Amor yot gapmane nana apa atanguwan kumbut.
20 Ita kingu Ok, Basan yot gapmane nana apa tanguwan kumbut.
21 Ita kingu waakwakgane kepna kaiwa kuwan inane aminabamde yamukut.
22 Ita keu wandaka kaiwan kuwan Isrel nana inane puya amin takwakge yamukut.
23 Sike tapduu ninu moo amin yukumang komune ita ninde dua botakut.
24 Ita iwaninde kataune kaiwa kuwan pakut.
25 Ita aminde gatu kaap zongge ngang kuutde yamunggak.
26 Ginda Anutu yekaune yuak kapae asiknga inimbaknganong.