1 Anutu, nata gatane umanda ayatangenakgat.
2 Dasingge, wai aminu kem yakaing aminda nae atsapdukaing.
3 Nae musiptok natake wamu wai siknga aknga moo yakaing.
4 Nata waaminde take natake gatayamiakge tumuk wam yanggat.
5 Nata waaminde takeaknga tasiyama ngana yake waiaknga nae tasikaing.
6 Unzingge gata wai aminu tapatu katewi ita iwanatane wamu wam yot gwene usanziyok.
7 Sike wam yot gwene wam natapik kapata aminu waapa gutongana kaya ngang natake waapa initewan kaautde kuwik.
8 Siwan nata nataau tupan aminu waapa zeetgaman kupikge nataat.
9 Siwan aminu waapa akupan waaknga nana wena toitoit dakngawa
10 Siwan waatdakana yotna bumi siwan datdai siknga yutningge nataat.
11 Sike aminu waapa aminu tapatutane sanga kundu moo apba pakut. Pakutna kakengu aminu waaminde sangana moo imukut tapata apu kepnaat sangaapanaat kuupbam papikge nataat.
12 Aminu tapatuta waapae musip kwikwiu dua natangamikge nataat.
13 Nata waapatane waaknga asiknga kumningge nataat.
14 Buyambam tapata waiaknga itane bapunata tupa tasikingge natayuwikge nataat.
15 Buyambam tapata waakwakgane waiaknganae asinggan natayamik.
16 Dasingge, aminu waapata notnaapae musip kwikwiu dua natayamukut. Wena.
17 Ita tupa wamu waiaknga aminu kunduta meya paningge yakut.
18 Tapdukbamu ita wamu yanggau aminu kunduta meya paningge yanggak.
19 Siwan wamu inane waakngata taukga usikwatanggak binga siwikge nataat.
20 Unzingge Buyambam tapata aminu nae temapa nanikaingge meya yamikge nataat.
21 Siwan Anutu, Buyambam tapana, gata na gatangamiakge nataat. Unzing gika gwa yawi kekekakut saak.
22 Dasingge, na sangana wena siknga yuke moo siknga yuat.
23 Na bangee gunzitda apukunangge siwawan weenata kunggak binga kunangge singgat.
24 Sike nanam nanangge nina ayandakngawa muna kekekngana wena singgak.
25 Unzing siwa kake aminbamda nae atemapa nanikaing.
26 Anutu, Buyambam tapana, gata nae butaya asinggan natangamunggayak.
27 Sike gata na take gatangaminu natane iwanata atnatdetningge yeuyamuyo.
28 Waaminda “Anututa aminu waapa atasiwan maiyok,” ngangu apba yaning. Yawan ngana gata nae takekan tasiya.
29 Sike natane iwanata nae atemapa yakaingge maaknga buyambam paningge nataat. Maaknga waakngata aminu gatukande usikwatapik.
30 Siwan ngana nata asainggamatake Buyambamtapa gaak wam inimbakngawit.
31 Dasingge, ita sangana wena waamin gatayamuke kakuya pasinggak.