1 Zaburuna saangu lagu to eona Saputuu.
2 Tapanamo kalape tasukuru i KAWASANA OPU
3 to tapakoleleaka kaasimu molagina i wakutuu saeona
4 poose tatiki gitari sapulu taliana,
5 Roonamo Ingkoo, e KAWASANA OPU, upaunde-undeaku tee opea mopadhana ipewaumu;
6 Amaoge mpuu bhari-bharia ipewaumu, e KAWASANA OPU,
7 Mia mokabhongo-bhongo inda bheamembali amataua,
8 Moomini manga mia madhaki atuwu mboomo rumpu,
9 Maka Ingkoo i tampa momalanga saʼumurua e KAWASANA OPU.
10 Roonamo manga musumu, e KAWASANA OPU,
11 Maka upamembaliaku kumakaa mboomo karambau,
12 Mataku akamatamo kandawuna manga musuku,
13 Mia mobanara bheatuwu tee akobhake torosu mboomo puuna horomaa,
14 Manga incia mboomo puuna kau ipombula i aroana Bhanuana KAWASANA OPU,
15 Moomini akoʼumurumo dhaangiapo uka akobhake,
16 manga miana mobanara sumai apakoleleaka ande o KAWASANA OPU sumai abanara.