1 Doʼana Musa, bhatuana Aulataʼala.
2 Indapo manga gunu atopadhaangia,
3 Ingkoo ubhalii maanusia amembali ngawuna tana,
4 I nuncana pokamatamu sarewu tao
5 Ingkoo upepadhai dhadhimami mboomo tapongipi,
6 wakutuuna saeona o rumpu atuwu tee atuna,
7 Sababuna ingkami tamofu roonamo amaramu,
8 Manga kasalahamami udhikaia i aroamu
9 Sababuna bhari-bharia eomami tanamisi pamurumu mokarore-rore,
10 Kangengena dhadhimami tangkanamo pitu pulu tao,
11 Incema buaka momatauna kaogena amaramu?
12 Manga adharimo to tagagari eo-eomami momampodhona sii
13 E KAWASANA OPU, mbulimo. Sakawana naepia Ingkoo uʼamara?
14 Patumpua o incamami i wakutuuna saeona tee kaasimu molagina
15 Pasanaaia o incamami, apokana mboomo upewau eo-eomami i piamo itu asukara,
16 Taroakamo opea ipewaumu akamatea manga bhatuamu,
17 Taroakamo kabarakatina Kawasana Opu, Aulataʼalamami, dhaangia to ingkami.