1 Doʼa to kapalana molaguna. Zaburuna miana Korah. Mboomo lagu: Kasukarana Kanarakaa.
2 E KAWASANA OPU, e Aulataʼala mopasalaamatiaku,
3 Taroakamo o doʼaku akawa i aroamu.
4 Roonamo abharimo mpuu kunamisi kanarakaa,
5 Iaku kutolentu i tanga-tangana mia mopesuana i liana koburu,
6 Iaku mboomo mia motobholi i tanga-tangana mia mate,
7 Ingkoo udhikaaku i nuncana koburu i tambe mpuu,
8 Pamurumu amatamo mpuu kunamisia,
9 Ingkoo upekaridhoakaaku manga musirahaku,
10 mataku amarea roonamo kanarakaa.
11 Buaka Ingkoo bheupewau muuzizati to mia mate? Inda!
12 Buaka o kaasimu molagina atopakoleleaka i nuncana koburu,
13 Dhaangia buaka momatauna muuzizatimu i nuncana kalalanda,
14 Maka iaku kupekee kuemani tulungi i Ingkoo, e KAWASANA OPU,
15 E KAWASANA OPU, pokia Ingkoo ubhanakaaku?
16 Minaaka dhaangia kumaidhiidhi kunarakaa tee saidhepo kumate,
17 Pamurumu mokarore-rore akangkanaiaku;
18 Bhari-bharia sumai akangkanaiaku mboomo mawa saeoa
19 Manga sabhangkaku tee musirahaku upekaridhoakaaku minaaka i karoku;