1 E KAWASANA OPU, Ingkoomo o peulusaku,
2 Rambasakaaku, tee upabebasiaku roonamo Ingkoo ubanara;
3 Membalimo gunu bhatu to tampana mbooresaku
4 E Aulataʼalaku, pasalaamatiaku minaaka i limana mia madhaki,
5 Ingkoomo iharapuku, e KAWASANA OPU Aulataʼala,
6 Ingkoomo o tampana kupasande minaaka i nuncana kadhuma;
7 Iaku kumembali mboomo mia ipeelona manga pande pana,
8 Ngangaku sadia apujiko,
9 Bholi ubhanakaaku i wakutuuna kumancuana,
10 Sababuna manga musuku apogauakaaku,
11 Pogauna manga incia, "Aulataʼala padhamo abholi incia!
12 E Aulataʼala, bholi umaridho minaaka i iaku,
13 Taroakamo mia moraeakaaku
14 Maka sadia kuharapu,
15 Ngangaku saeoa bhekupetulatulaaka manga pewaumu mobanara,
16 Iaku bhekuumba tee kupuji pewauna momakaana KAWASANA OPU Aulataʼala.
17 E Aulataʼala, minaaka kumangura Ingkoo moadhariaku,
18 Sampe sakawana kumancuana tee kukouwa uka,
19 E Aulataʼala, kuasamu tee kabanaramu akawea i laiana!
20 Ingkoo padhamo utaroakaaku kunamisi bhari kanarakaa tee balaa,
21 Ingkoo bheupamembaliaku ajulu kutohoromati,
22 Iaku bhekupujiko tee gambusu
23 Bhiwiku bheasambo-sambo
24 Dhelaku bheapakoleleaka