1 To kapalana molaguna.
2 E Aulataʼala, perangoia o doʼaku,
3 Kamataaku tee tulungiaku!
4 roonamo kahandana musu
5 Ngangarandaku abagoea,
6 Iaku kurengku tee kumaeka mpuu,
7 Iaku kupogau, "Ande kukopani mboomo manu-manu jarajara!
8 Umbe, iaku bhekulingka maridho mpuu,
9 Iaku bhekupekadhei kupeelo tampa peulusaku
10 E Kawasana Opu, upabingumea manga musuku tee upapogeso-gesomea pogauna,
11 Malo eona manga incia apekatii-tii i bhawona rindina bente motiingina kota,
12 Manga incia apabinasa mia i tanga-tangana kota,
13 Ande o musuku abanciaku,
14 Maka ingkoo mboomo samia witinaiku!
15 I piamo itu ingkita taposabhangka malape,
16 Taroakamo manga musuku amate inda atomatau,
17 Maka iaku bhekugora i Aulataʼala,
18 Wakutuuna konowia, saeona, tee pontanga eo,
19 Incia bheatolosiaku
20 Aulataʼala, mokokauncuramakana pepuu i zamani i piamo itu,
21 Mia mopadhana kuabhia witinaiku incia sumai apacilaka sabhangkana,
22 Bhoasakana amaʼalusu mpuu to aala-ala inca,
23 Pasarakaakamea o bhawamu i KAWASANA OPU,
24 Maka Ingkoo, e Aulataʼala, bheupapesua manga incia