1 Sambo-sambomo rampaakanamo KAWASANA OPU, e manga mia mobanara!
2 Emanimo sukuru i KAWASANA OPU tee umagasiaaka kecapi!
3 Laguakea to Incia saangu lagu bhaau!
4 Firimanina KAWASANA OPU sumai abanara,
5 Incia amaasiaka kabanara tee kaʼadili,
6 Minaaka i firimanina KAWASANA OPU o laiana apamembalia,
7 Incia arombusaka uwena tawo mboomo arombusaka uwe i nuncana gusi,
8 Taroakamo saangua alamu amaeka i KAWASANA OPU,
9 Roonamo Incia afirimani sabutuna bhari-bharia amembali;
10 KAWASANA OPU apabatala opea ifikirina manga lipu,
11 Maka o haejatina KAWASANA OPU sadhaadhaa saʼumurua,
12 Amasanaamo mpuu o lipu mosombana KAWASANA OPU apamembalia Aulataʼalana,
13 KAWASANA OPU apentiro minaaka i sorogaa,
14 Minaaka i kauncuramakana, Incia atiliki
15 KAWASANA OPU mopebhanguina incana bhari-bharia maanusia,
16 Samia raja inda atopasalaamati minaaka i kabharina suludaduna,
17 Ajarana potimbea inda amembali atotangkaaka to kasalaamati,
18 Satotuuna, KAWASANA OPU afaduliaka manga mia momaekaia,
19 to mopasalaamatina manga incia minaaka i mate,
20 Incamami aharapuaka katulungina KAWASANA OPU,
21 Roonamo Incia o incata akaunde-unde,
22 E KAWASANA OPU, taroakamo kaasimu molagina sadhaadhaa to ingkami