1 To kapalana molaguna. Zaburuna Daud.
2 E KAWASANA OPU, raja akaunde-unde roonamo kuasamu
3 Ingkoo udhawua opea ipeeluna,
4 Satotuuna, Ingkoo upepago incia tee barakati motaralabhi-labhi,
5 Incia aemani dhadhi i karomu, tee Ingkoo udhawuakea
6 Amaoge o kamuliangina roonamo kasalaamati minaaka i karomu,
7 Ingkoo udhawuakea barakati to incia saʼumurua,
8 Raja aparacaea i KAWASANA OPU,
9 Tee kuasamu bheurako bhari-bharia musumu,
10 Ingkoo bheupamembali manga incia mboomo waa mokarore-rore
11 Bhari-bharia anana tee opuopuana manga incia bheupabinasea minaaka i bhawona alamu,
12 Moomini manga incia ahaejati madhaki to Ingkoo,
13 Ingkoo bheupewau manga incia apalaiaka karona
14 E KAWASANA OPU, taroakamo utopekalanga i nuncana kuasamu!