1 Aak keenkanamana nil God.angana wuut mangk ngamparam al-alantan wik many-manyam waaꞌ thant. Nil wikim kuch thanttang, pam prophets nungantam al-alantang, than wikan yipam waaꞌayn pam wanchantan. Wiyiya God.ana pithang thaw thant, puth wiyiya ngaantiyongk wampin thant. Aꞌ ngul-ngulana than wik chil yot ngul waaꞌ-waaꞌin thanta pam wanchantan, nil yimanamana.
2 Aꞌ aak ngul-ngulana God.angana puk nhengk nungantam anan kuch nunanga wik min thampa, nilan-a, waaꞌ-waaꞌ ngul ngampara. Aak keenkanam anpalmana, nil piip God.an thawa nhengk nungantam alantan aakan yumpow thamp, aak inman umyompanamana putha aak in kenyan, aꞌ putha nil God.an thaw yuk way min aak an kenyana aꞌ putha yuk way min aak inpalana an nungantam thamp puk nhengk ngatharamantam.
3 Nil nhengk nungantam keꞌ piip God anmana, thonam anman pulaniya, pam piꞌana aꞌ pam minam paththama. Nil nhengk God.antam alangan aak inmana maꞌ thayanang piꞌ-piꞌana. Nil puth uthama aꞌ putha thaaꞌ-pant thawan ngamparam nil God.angan yipam ngangk pachathow ngampang way anpalan aꞌ amanamaniya nil aak keny ngulan mat, pam piꞌan karpam iiyanpul God.anga keꞌ thonam yimanangana.
4 Nil God.angan pam thonam anman nhengk waaꞌan nunang, nil ngaantiyongk nungantam anangan puk nhengk keꞌam waaꞌan thanang yaꞌ paththam. Nil nhengk nungantamana wuut piꞌan thampa yump nunang — ngaantiyongk anangan yaꞌa.
5 Nil God.an wik inangan keꞌam thaw thant ngaantiyongk al-alantanweya,
6 Aꞌ puth inan thampa, nil God.angan puk nhengk nungantam kaaꞌ-thonaman kuch aak iikanakan-a, nilan thaw ngaantiyongk al-alantana,
7 Nil God.angan miꞌ thanang ngaantiyongk anangana workan iiy-iiyayn nungant. Nil thamp thawa:
8 Puth nil wik inan thawan nungant puk nhengk nungantam Jesus.antana:
9 Aꞌ nintam thonam anman min paththaman iiy-iiyangan,
10 Aꞌ nil God.an inan thaman thawa nhengk nungantamak:
11 Aak inmana putha aak an kenyana ngul wayamowpul puth nintana ep aak umpuyamak wun-wunān.
12 aꞌ nintana keꞌ kulich way kath yimanangan puyamam ngul theeꞌān pulang.
13 Aꞌ thon inan, nil God.an keꞌam thaw ngaantiyongk nungantamakana:
14 Puth ngaantiyongk ananganiy-a, thananiya oony min-miniy paththama nil God.angan kuchan thanang maꞌ-aath-aathayn thanang pam wanch anangan nilan kaaꞌ-piichanathow thananga.