1 ఇమ్ హుయితో మే పుచ్చాయోతె సాత్కాతొ, దేవ్ ఇనా ప్రజల్న మేన్దిదొ? ఇంనాబొల్ను. మేబి ఇస్రాయేల్ కరి, అబ్రాహామ్ను సంతానమా బెన్యామీన్ గోత్రంమా పెద్దాహుయోతెస్.
2 ఇనా అగాఢిస్ మాలం ఇనా ప్రజలన్నా దేవ్ మేన్దిదొకొయిని. ఏలియాన గూర్చిను భాగంమా లేఖనంమ బొలయు తుమ్నా మలంనా?
3 ప్రభువా, ఇవ్నే తారు ప్రవక్తల్నా మరాఖీదిదా, తారు బలిపీఠమ్నా పట్టకాయిన్నాఖీదిదు, మే ఎక్సేజాను మిగిలిరొస్, మరు జాన్ కాడుకరస్కరి ఇష్రాయేల్నా వైరితి దేవ్నా ఖామే యో వాదించుకురస్.
4 హుయుతొ దేవ్ దిదోతే జవాబ్ ఖమ్జో, బయలునా గుడ్డెకెనాకితే ఖాత్హజార్ వాగ్రీనా మే సేషంతి రాకిరక్యొస్.
5 ఇమాస్ తెదెను కాలంమ సయితము కృపను ఏర్పాటును చొప్పుతి సేషంతి మిగిలిన్ ఛా.
6 యో కృపతిహుయుతె బరేమ అజుబి క్రియలతి మూలొహుయుతె కాహే ఇమ్ హుయితో కృప అజుబి కృప హుస్కొయిన్నా.
7 ఇమ్హుయూతొ సాత్హుసే? ఇష్రాయేల్ దూండుడోకరతె సాత్కి యో ఇవ్నే మల్యుకొయిని, దేవ్ను క్రుపానువల్లా ఏర్పాటు హుయుతెవాలనా యో మలియు మిగిలుతె ఇవ్నే కఠినచిత్తుహుయా.
8 అనావిషయంమ హంకెతొడి దేవ్ను ఇవ్నే నిందార్ను మత్తుహుయూతె దిల్నా, దెక్హావాకొయిన్తె డొలనా, హఃమ్జకొయిన్తె కాన్నా దీరాక్యొస్కరి లిఖ్కిరాక్యొస్.
9 దావీద్ బొల్యెతే సాత్కాతొ, అజు ఇవ్ను దాన్ ఇవ్నా ఉరినితార, బోన్తార, ఆటంకమ్తార ఇవ్నే క్రియల్నా ప్రతిఫలంహువను ర్హాసె పన్కి.
10 ఇవ్నే దేఖకొయినితిమ్ ఇవ్నే ఢోళ అంధారుహుయు పాన్కి. ఇవ్నే పీట్పర్ కెదేబి జుఖీన్ ర్హానుతిమ్ కరోకరి దావీద్తి బోలుకురస్.
11 అనటేకె మే బోలుకరతే సాత్కాతొ, యూదుల్ పడిజవాతిమ్ తొట్రిల్లిచ్నా? ఇమ్నాబొల్ను, ఇవ్నేను రోషం పుట్టించనాటేకె ఇవ్నేతి తోట్రు పాటుటేకె అన్యజనాభోతి బఛ్చడన కిలిగిన్.
12 ఇవ్నేతి తొట్రుపాటు ములక్నా ఐస్వర్యంనా, ఇవ్నే నష్టం అన్యజనాభోనా ఐస్వర్యంనా హుయుతొబరేమ ఇవ్నే పరిపూర్ణంతి కెత్రుకి జాక్హత్ ఐస్వర్యంహుసే, తేదే యుదుల్బి బుజు జాఖాత్ పరిపుర్నత హువుంకారస్.
13 ఇవ్నేమ తొడుజానునా బఛ్చావ్నుకరి మారు సేవనా ఘనపరుచుకురుస్.
14 అన్యజనాభో తుమరెతి మే వాత్బొలుకురుస్. మే అన్యజనాభోనా అపొస్తలుహుయున్ఛా పాన్కి కిమ్హుయుతొబి మారు ఆంగ్తాను సంబందినా ఖీజ్ పుట్టించిన్.
15 ఇవ్నే తిరస్కారం పొందాను, ములక్నా దేవ్తి సమాధానంహువానటేకె హుయుతొబరేమ, ఇవ్నే చేర్చిలెవాను సాత్హుస్? మరిగొతె ఇవ్నే సాజీవంమాస్ హుయిన్ ఉట్టాసే కాహేన?
16 ఆట్టాను ముద్దమా అగాడి ఏక్జానో పరిసుద్ధ హుయుతె ఆట్టోను ముద్దక్హారుబి పరిసుద్ధమాస్ జాఢ్ పరిసుద్ధహుయుతొబి ఢాలిబి పరిసుద్ధాస్.
17 హుయుతొ ఢాలిమా తొడు తుటిగొ, జ్హాడిమా ఒలీవ డాలీహుయురుతె తూ ఇనా ఇచ్చమా అంటుకట్టబడిన్, ఒలీవజ్హాడుతార సారవంతంహుయుతె జాఢ్నా ఇనేతి మలిన్ పాలుపొందినబరేమ, యో ఢాలిఫర్
18 తుహుయో ఢాలి ఫార్ బడ్డాయినొకొమార్, జాడ్ తునా భరించుకురస్ పాన్కి తూ జాఢ్నా భరించాకొయిని.
19 ఇనాటేకె మే అంటుకట్టబడిన్ నిమిత్తం ఢాలినా తొడిన్ నాక్హిదిదుకరి తూ బొలిస్.
20 ఖాచీస్ ఇవ్నే అవిస్వాసంనాబట్టి తొడాయహుయా, తుహుయుతొ విష్వాస్నాబట్టి ఉభీరీరోస్ తారు తుస్ గ్వోరాపాడ్నొకొ తీమ్, ఢర్ కాలిగిన్ ర్హా.
21 సానకాతో దేవ్నూ స్వాభావికంహుయుతె ఢాలినా మేదిన్ బారేమ తునాబి కోమేన్దాసే.
22 అనటేకె దేవ్ను అనుగ్రహంనా కాఠిన్యంతి కాతొ పడిజైయిన్ ఇవ్నఫర్ కాఠిన్యంనా, తూ అనుగ్రహ ప్రాప్తుహుయోతె హుబిరొతె బరేమ తారపార్ ఛాతె దేవ్ను అనుగ్రహంనా ద్యెక్ అమ్ హుబర్సేకరి బారేమ తూబి క్హాత్రయిజాయిస్.
23 బుజు యూదుల్బి ఇవ్ను అవిష్వాసంమా హుబిరినార్హహితొ బారేమ అంటుకట్టబడ్సు; దేవ్ను ఇవ్నే బారేమ అంటుకట్టటనా తాక్హాత్వాలొ.
24 కింకతొ తూ స్వాభావికహుయుతె జాడిన ఒలివ జ్హాడ్ కంతు వాడయుగుతె స్వభావవిరుద్ధంతి అషల్ ఒలీవ జ్హాడాన అంటుకట్టబడ్యుతె బారేమ స్వాభావికహుయుతె ఢాలినా ఇవ్నే అజు నిష్చయంతి ఇవ్నేతి ఇను ఒలీవజ్హాడాన అంటుకట్టబడ్యా కొన్నా
25 భేనే భైయ్యె, తుమరుద్రుష్టన తుమే దిమాక్వాల కరి అనుకొలెంకొరుస్ ఆ మర్మంనా తుమే మలంకార్నుకరిఛావు. యోసాత్కతొ, అన్యజనాభోనా పేసిన్ సంపూర్ణహువాతొడి ఇష్రాయేల్నా కఠిన్ దిల్తివాలు తొడుతొడి కలిగ్యు.
26 ఇవ్నే పేసిన్ విమోచకుడునా సీయోనుమాంతు అయిన్ యాకోబ్కంతు భక్తిహీనతాన చుఖాయో
27 మే ఇవ్ను పాప్నా పరిహరించీన్,
28 సువార్త విషయహుయుతె తుమ్నాబట్టి వైరిహుయిన్ ర్హావజాయ్ పన్కి, దేవ్ను ఏర్పాటును విషయహుయుతె భానుభా బట్టి ఇవ్నె దేవ్నా లాఢ్వాలు హుయిన్ ఛా.
29 కింకతొ, దేవ్ను ఇను కృపావరంలొ విషయంమా, దేవ్ను బులావను విషయంమా పష్చాత్తాపం పడ్సేకొయిని.
30 సామకతో జమానమా తుమే దేవ్నా అవిధేహుయున్ ర్హవొ, హంకెతొ అన్యజనాబో హుయుతే తుమే దేవ్ను దయాన పోందిన్ ఛా, యూదుల్ హుయుతే తూమే అవిధేయతబట్టి గోర్ పొంద్యొ.
31 ఇమ్నితరా తుమారురు బారేమ ద్యెహాఃడ్యుతె గోర్ బట్టి ఇవ్నేబి హంకె గోర్ పొందిన్ నిమిత్తం, తెదె ఇవ్నే అవిధేహుయున్ ఛా.
32 హాఃర ఫర్ ఇను గోర్ దేక్నుకరి, దేవ్ను హాఃరన అవిధేయతాసీతిమా మూచిదిన్ బంధించిన్ఛా.
33 బాబ్రే, దేవ్ను దిమక్నుజ్ఞానంతి బాహుష్యంన కెత్రుకి గంభీరంతి; యో న్యావ్నా పహాఃవనుతిమ్ అషక్యంనా యో వాట్మకెత్రుకి అగమ్యం.
34 ప్రభువును దిల్నా మాలంహుయతె యోకోన్?
35 కొన్బీ యేసునా సాత్బి దిరాఖ్యుకి,
36 యో మూలంతి ఇనేతిస్ యో నిమిత్తంను సమస్తం కలుగురాస్. పిఢపిఢినా తోడి ఇనాస్ కెదేబి మహిమ కలుగుస్ పన్కి. ఆమేన్.