1 Ay bezi azuk', bez zombsuna ǔmǔxlaxanan,
2 Məsəloğon əyitk'oz,
3 Hetər ki, beş bavoğone yaynak' exlətp'e,
4 Avabakest'alyan yan mot'o beş nəvoğo:
5 İak'ovaxun bakit'oğo İz buyruğxone tadi Şot'in,
6 Metər pine ki, barta oşin eğala nəsilenal avabakeq'an,
7 Buxačuğoq'at'un umudbaki,
8 T'e vədə içoğoy bavoğollarik' tet'un bakon,
9 Efraimi nəsiləxun bakala q'oççağxo běğanan:
10 Şot'o görə ki, Buxačuğoy içoğoxun ğaç̌eśi irəziluğa əməltet'unbsay,
11 Eyexun c'evk'et'uniy şot'oğon Şot'ay biq'i əşurxo q'a ak'est'i möcüzoğo!
12 Manu ki, Buxačuğon Misirə,
13 Şot'in dənizi xena şot'oğoy yön saal tərs tərəf bari k'inək' efi
14 Ğenaxun asoyi boş,
15 Q'ayana qı̌bi xene c'evk'i Şot'in ams'i oç̌ala,
16 J̌ěnaxune c'erey
17 Ama günax əşp'est'unaxun kul tet'un haq'i şorox,
18 Buxačuğoy hər şeya başarbsunaxunt'un şüpələyinşaki,
19 "Çətin ukest'es bakale yax me ams'i oç̌ala Buxačuğon" pi
20 Metərt'un nexey:
21 \+w Q'ončuğoyal\+w* mot'o ibaki əcuğone biq'i,
22 Şot'aynak' ki, şot'oğon Buxačuğo bač'an tet'un taradi,
23 T'e vədə əmirebi Buxačuğon göyurxo,
24 Mannane bari alaxun şot'oğoy loxol ağala barala k'inək',
25 Amdarxonal angelxoy ukala ukunaxunt'un kəyi,
26 Běğc'eğala tərəfəxun eğala muşe ěqevk'i Şot'in göynul,
27 T'emane tadi ki, belxune bari yeq' şot'oğoy,
28 T'e q'uşurxo hari şot'oğoy çurk'ala gala,
29 Ut'unksay şot'oğonal içoğoy ǰomoxun baramin,
30 Ama yeq'a hələ k'əc'p'i q'uc'p'inut,
31 Baredi Buxačuğoy əcuğ şot'oğoy bel!
32 Metər əşure eysay içoğoy bel,
33 Buxačuğonal mot'o görə içoğoy ömürəne puçbi,
34 Hari içoğoy axır p'ap'at'ane pulmux qayesay şot'oğoy,
35 T'e vədəne içoğoy eyex bafst'ay ki, Şo içoğoynak' sa q'aya,
36 Ç̌oyexunt'un içoğo pěšmanbaki k'inək' taşt'ay,
37 Ük'e boş isə hələ Buxačuğoxun ə̌xilt'uniy,
38 Ama Buxačuğon İzi ük'bok'al baksuna görə şot'oğo bağışlayinşebsay,
39 Avaney şot'oğoy günaxi běš aciz mandala sa insani bala baksuna,
40 Hema kərəmt'un şorox ams'i oç̌ala Şot'ay laxi k'anunxoxun c'erey?!
41 Hər dəfəl Buxačuğoy kiyexun ayeğalt'oğoxun şüpələyinşaki
42 Şot'ay kiyexun hər əş ayesuna,
43 Misirə bit'oğo,
44 Misirə bakala oqurxoy xenane p'iya taradi Şot'in,
45 Duğala t'at'ure yaq'abi misirluğoy loxol,
46 Əkinə çərtk'ənxone ukest'i,
47 Şot'oğoy t'ulluğxone təəren əfçibi,
48 Beliyoxe təəri oq'a mandi şot'oğoy,
49 İzi bəc'ük'eśi əcuğo q'a hirsəne śipi şot'oğoy loxol,
50 Bask'estenedi Şot'in İz əcuğo,
51 Bisune hari Xame nəsiləxun bakalt'oğoy k'ojin süft'in ğarmoğoynak',
52 İzi azuk'eynak' isə sa çoban baki
53 Şot'ay t'ǒğǒl q'ı̌ hik'ə tet'un avay,
54 Metərt'un şorox hari içoğoynak' həzirbaki ı̌vel oç̌al burqeğala gala,
55 Millətxone şəp'eśi Buxačuğon şot'oğoy běšt'an,
56 Ama şorox p'urumal Buxačuğoy kiyexun ayeğalt'oğoxun şüpələyinşt'unbaksay,
57 İçoğoy bavoğollarik' tadi əyiti loxol nu çurk'alorox,
58 Şot'in q'erəz buxačuxxo nu portpsuna avabaksun,
59 Buxačuğoyal biin tene haq'i mot'oğo bitova,
60 Tene çurpi İz bakala gala Şo,
61 İrəziluği sanduğane düşməni kiyel tadi,
62 Q'ılınci ǰomone tadi İz azuk'a Şot'in,
63 Cəyil ğarmoğoy aruğo bok'i barst'unen
64 Běyinšxot'un k'as'p'i q'ılıncen şot'oğoy,
65 Ama muğurebaki Q'ončux!
66 Duği şəp'eśi Şot'in İz düşmənxo,
67 Tene çureśi Şot'in İosifi nəsiləxun bakalt'oğoy çadıra,
68 İuday tayfina,
69 Göyurxollarik' ost'aar,
70 İz k'ul bakala Davidane c'ək'p'i Şot'in,
71 Eçeri İak'ovaxun baki nəsileynak'e çoban laxi.
72 Davidi kalaluğbsunenal ak'esedi izi müdrik baksuna q'a