1 Ay me dünyəne bakala bito amdarxo,
2 Şot'ay s'iya mə̌ğur mə̌ğpi alabanan,
3 Metər upanan Buxačuğo:
4 Dirist' dünyənene Va bul k'os'bsa!
5 Sa ekinan Buxačuğoy bit'oğo ak'anan,
6 Dənizi xena t'ağaybi q'ariluğe bi Şot'in,
7 Zorba bakalo, İz padçağluği axır nu bakalone Şo!
8 Ay azuk'xo, beşi Buxačuğoy s'iya alabanan,
9 Şone yax q'orişi efalo,
10 Ay Buxačux, gümüşi təmizluğa gam buxarina yoxlayinşala k'inək',
11 Zindanxon badest'i yax,
12 Düşmənxon saki ç̌axç̌uxk'alane baki yax,
13 Bok'ospsuni q'urbanxo eşt'eynak' eğoz zu Vi xrama,
14 Bezi ǰomoxun c'eri,
15 Kökbi heyvanxo q'urban eçeri bok'osboz Vaynak',
16 Ekinan, ay Buxačuğo çalxi Şot'ay yaq'en tağalorox,
17 Bez bula alabi Şot'oz k'alpi zu,
18 Günaxa za ı̌ša bist'a bartiyzuy,
19 Ama inebaki za Buxačuğon!
20 Bezi afırına nu ibaksuna tene laxi Şot'in!