1 Ǔmǔxlaxanan bez uk'alt'oğo, ay bito azuk'xo,
2 S'ila bakalt'inal, nu bakalt'inal,
3 Müdrik əyitmux uk'oz və̌x,
4 Məsəloğo ǔmǔxlaxi şot'oğoy k'ə upsuna q'amişakoz,
5 T'ar ğinaxun,
6 İçoğoy var-dövlətə güvəyinşakalt'oğoy,
7 Elmoğo toyen haq'ala şey tene,
8 Şot'o görə ki, tene bu şot'ay toy,
9 Şuva həmişəluğ me dünyəne yəşəyinşalo?
10 Bitot'in aneksa: nə müdrik bakalt'ine me dünyəni t'ǒğə biq'i çurpes bake,
11 İçoğoy pul boteneşt'a,
12 Hetər s'iye q'ončux bakalnu baka,
13 Mone içu güvəyinşakalt'oğoy q'a şot'oğollarik' bakalt'oğoy me dünyəne tağala yaq'e axır!
14 Sürünen iz bula k'os'bi tağala k'inək' tağalt'un şorox t'e dünyəne,
15 Zaal p'uri oç̌alin oq'a taysa tene bark'al Buxačuğon.
16 Dövlətlut'ay hik'k'ala tamaxmaba,
17 Şot'o görə ki, hələ şuk'k'alen içuxun hik'k'al taşeri tene me dünyənexun,
18 İz pul qay vədine bəxt'əvəre hesabbsa içu,
19 Ama tene ava ki, bito p'uri tağamine,
20 Hetər s'iye q'ončux bakalnu baka,