1 Zaxun əyitk'alt'oğoy coğaba Hun tada, ay \+w Q'ončux,\+w*
2 Hayza, q'alxana ext'a,
3 Xişt'ik'ə, tavara ext'i bez bač'anexun baft'it'oğoy běš c'eki,
4 Barta bez bisuna çureğalt'oğoy niyət içoğoy boş mandi içoğoy ç̌oyen ot'p'eq'an,
5 Barta şorox \+w Q'ončuğoy\+w* angeli běš
6 Barta \+w Q'ončuğoy\+w* angelen şot'oğo şəp'eğat'an
7 Nahaq' gala zaynak' tor laxsuna görə,
8 Barta içoğoy bel sal içan nu yaq'běğala bəlooxq'an hari,
9 Zuval \+w Q'ončuğon\+w* bit'oğo ak'i mǔqbakoz,
10 "Vallarik'o tene bu!" pi bez ǔq'enxonal muz qayk'ale.
11 Əfçi şahidxone hayzeri bez ç̌oyel çure,
12 Bez bi şaat'luğa pisluğent'un coğab tast'a,
13 Zu isə şorox azarayinşakat'an mə̌yin lapi yasez efi,
14 Dost'eynak', viçeynak' p'i mə̌yinbakala k'inək'e bez p'i mə̌yinbaki,
15 İsə mone, zu t'arnuzu - ama şorox mǔqt'unbaksa,
16 Bez loxolt'un axšume me buxačuxsuzt'oğon, ak'ala pul tene bu za şot'oğoy!
17 Ay \+w Q'ončux\+w*, hələ heq'ədər mot'o nu aksuna laxalnu?
18 Va bul k'os'bseynak' gireśi viçimoğoy běš zu Vi s'iya alaboz,
19 Ma barta zaxun nahaq' gala düşmənçiluğbalorox mǔqbakat'un,
20 Şot'oğon ǰomo serluğ eşt'eynak' təə,
21 İçoğoy ǰomo buybi
22 Ay \+w Q'ončux\+w*, Hun mot'oğo bitova anksa, şip' ma çurpa,
23 Hayza, bez bač'ane çurpa, ay Buxačux!
24 Vi düzgünluği k'ə baksuna ak'est'a, ay bez Buxačux bakala \+w Q'ončux\+w*!
25 Ma barta ki, "mone, beşi çureğala k'inək'əl baneki" uk'at'un,
26 T'etər ba ki, bez pis ğina mǔqbakalorox ot'p'i biyaburbakeq'at'un,
27 Barta bez düzgün baksuni ç̌oyel c'eysuna çureğalt'oğoy ük'q'an qayeśi,
28 Vi düzgünluğa bayanboz zu,