1 Ay \+w Q'ončux\+w*, za xaxalaxunen c'ovakest'i Hun,
2 Bezi arśi-hayst'unan ava,
3 Zu yaq' tağat'anal, bula laxi bask'at'anal anksa,
4 Əyit bezi ǰomoxun hələ c'eğamin,
5 Bezi hər tərəfən q'orişbsa Hun,
6 Məət't'əlez manst'a zu Vi me hər şeyaxun xavar baksuna,
7 Maya şo, t'e Vi Uruf nu bakala ga?
8 Göynuval lağayiz, Hun t'et'iyanu,
9 Lap çurensa purpi taśi běğ c'eğala gala arśaz,
10 Vi kul p'urumal bez loxol bakale,
11 Lap həysə "barta zülmət bayinq'unenq'an haq'layinşi bez bip' t'ǒğə,
12 P'urumal sa şey c'ap' tene mandon Vaxun.
13 Vi kiinen düzbi Hun za,
14 Alxışezbsa zu Va bezi loxol běğat'an,
15 Bezi hər ǔq'enan ak'i Hun
16 Zu hələ sa t'up'uli boyda bakat'ane ak'ey za Vi pulmoğon,
17 Vi fikirxo bez beyne p'aq'est'es tez baksa zu, ay Buxačux,
18 Şot'oğo bǒq'ə̌lpi çark'ala şey tene,
19 Ay Buxačux, sa me pist'oğoy tumexun əfçibaksuna ak'iyzuy!
20 Pist'un əyite şot'oğon Vaxun,
21 İsə hetər ma nifrətp'az zu Va nifrətp'alt'oğo?
22 Şot'oğo saycə nifrətbesez baksa zu,
23 Ay Buxačux, bez ük'e boş běği şot'o ak'a,
24 Běğa bezi mani yaq'en taysuna, za düzgün nu bakala yaq'a ma efa,