1 He bəxt'əvərt'un \+w Q'ončuğoy\+w* laxi k'anunaxun nu c'eri
2 He bəxt'əvərt'un Şot'o ük'in qə̌věśi,
3 Şuk'k'ala pisluğ nu balorox,
4 Ögüd-nəsyət tadiyonu Hun yax,
5 Ç̌omə̌yinq'uz baki zu Vi laxi q'aydoğon nu tağayiz,
6 Vi bürüşit'oğo əməlbsunene bez ç̌oya mas'ibsa.
7 Təmiz ük'en Vi s'iya alaboz zu
8 Vi laxi q'aydoğon tağoz zu,
9 Cəyili düz yaq'a baksuna het'ine ak'est'a?
10 Ük'enez qə̌věsa Va zu,
11 Vi piyes günax bakala əş nu biq'seynak'
12 Alxışq'an baki Va, ay \+w Q'ončux\+w*!
13 Vi ǰomoxun c'eri bito q'ərarxo
14 Kala sa var-dövlətə mǔqbakala k'inək'ez mǔqbaksa zu
15 Vi tadi ögüd-nəsyətxoy loxole bez fikir,
16 Mǔqluğe eşt'a zaynak' Vi laxi q'aydoğon,
17 Vi ük' bok'ospsuni k'ə baksuna ak'est'a me Vi k'ula ,
18 Qaypa bez pulmoğo,
19 Q'onağzu zu me dünyəne,
20 Vi q'ərarxoxunez fikirbsa zu üşe-ğena,
21 İçoğoy galan arśest'i Hun Vi buyruğxo hik'k'albi içoğoy ǰomoy tüşen tağalt'oğo,
22 Mǔqmada şot'oğo,
23 Mone, kalaluğbalxon gireśi bez əleyinəl əyitk'ayt'un
24 Vi bürüşit'oğone za mǔqst'a,
25 Mone, p'uri k'inək'zu ene zu,
26 Bezi hər lə̌ngən avabaki Hun, Va k'alk'at'an za inbaki,
27 Vi ögüd-nəsyətxon tades bakalt'oğo zomba za,
28 P'ine ǒnene bez ük'en,
29 Ma barta za əfçi yaq'en taysa,
30 Bez ç̌oya Vaxun tez taradon zu,
31 Vi bürüşit'oğoz biq'i çurpe zu, ay \+w Q'ončux\+w*,
32 Vi buyruğxon taysune bez çureğalo,
33 Vi q'aydoğon taysuni k'ə baksuna ak'est'a za, ay \+w Q'ončux\+w*,
34 Za Vi k'anunen taysuna zomba ki, zuval şot'oğo əməlbaz,
35 Za Vi buyruğxon ak'est'ala yaq'en taşa,
36 Barta Vi bürüşit'oğo əməlbsunq'an baki bezi ük'exun c'ovakalo,
37 Ams'i şeyurxoy bač'anexun t'ist'a ma barta za,
38 Va bač'an taradit'oğo tadi əyiti loxol çurpa,
39 Za ç̌omə̌yin bi bez pula haq'alt'oğoxun ə̌xilba,
40 Bez cicirxone ç̌ane Vi ögüd-nəsyətxoynak',
41 Ak'est'a Vi nu badalbakala çuresuni k'ə baksuna, ay \+w Q'ončux\+w*,
42 Barta bezi loxol içoğoy muz c'eğalt'oğoy coğaba tades bakaz,
43 Barta Vi düzgünluğa ak'est'ala əyitmux bez ǰomoxun maq'an biti,
44 Vi laxi k'anunxoxun sal sa vədə tez c'eğal zu,
45 Tur ǰena tene laft'al bezi,
46 Vi bürüşit'oğoxun exlətp'oz zu padçağxoynak',
47 Vi buyruğxo əməlbsunast'az aksa zu bez mǔqluğa,
48 Bez ük'el bask'i Vi buyruğxo əməlbes bakseynak'ez k'alpi xoyinšpsa Va,
49 Me Vi k'ula tadi əyitə eyexun ma c'evk'a,
50 Vi tadi əyitene za yəşəyinşest'a,
51 Axšumt'unne bez loxol içoğoxun irəzi bakalt'oğon,
52 Vi hələ damna döörəst'ə c'evk'i q'ərarxoxunez fikirbsa zu,
53 Vi laxi k'anunxoxun c'erit'oğo
54 Ǐvel mə̌ğě baki zaynak' Vi laxi q'aydoox,
55 Üşe bakat'an Vi s'iya eyex badi
56 Vi tadi ögüd-nəsyətxonez yəşəyinşbsa,
57 Bez paynu koft'i, bez k'odoğo śameśi neymətnu Hun, ay \+w Q'ončux\+w*,
58 Va k'alpi xoyinšpsune bez ük'exun c'ovakalo:
59 Bezi tağala yaq'az fikir tadi zu,
60 Vi buyruğxo əməlbseynak'ez kape zu,
61 Pist'oğon zaynak' laxi təloğo bafaldayiz,
62 Lap üşeyal hayzeri Vaz şükürbsa,
63 Va çalxalt'oğoxun,
64 Vi nu badalbakala çuresunen buye me dünyə, ay \+w Q'ončux\+w*,
65 Vi tadi əyiti loxol çurpi
66 Hər şeya q'amişaksuni q'a ə̌xilaksuni k'ə baksuna zomba za,
67 Vi laxi yaq'axun c'erezuy zu,
68 Hun şaat' bakalonu, Vi biq'ala əşural şaat'e,
69 İçoğoxun irəzit'oğon bezi s'iyat'un ləkələyinşbsa,
70 Hik'k'al t'ə̌q'tenesa şot'oğo, ǰě biq'ene içoğoy ük'en,
71 Şaat'e ki, za Vi cazin k'ə baksuna ak'esendi,
72 Sahəkət q'ızılaxun q'a gümüşəxunsa,
73 Za Vi kiinen düzbi yaratmişi Hun,
74 Va çalxalt'oğonal bez loxol běği mǔqbakalt'un,
75 Ay \+w Q'ončux\+w*, avazu ki, düzgün q'ərarxone Vi q'ərarxo,
76 İsə çurpa Vi tadi əyiti loxol,
77 Kammaba zaxun Vi ük' bok'ospsuna, barta yəşəyinşaz,
78 İçoğoy za nahaq' gala ç̌omə̌yin c'evksuna görə
79 Barta Vi bürüşit'oğo q'amişaki Va çalxaloroxq'an
80 Barta Vi laxi q'aydoğo hetər lazıme əməlbes bakaz ki,
81 Bezi cicirxone ç̌ane Vi tades bakala çark'esuneynak',
82 Bezi pulmuxe c'irap'eśi Vi tadi əyiti bex p'ap'suna yaq'běğsunaxun,
83 Ǔğǔl k'üüni boş biti meşik' k'inək'zu zu,
84 Heq'ədər yaq'běğala bakale hələ me Vi k'ul ?
85 Běğa, bezi turin oq'axunt'un kaše
86 Taxsır tene bu bezi, ama p'urumal kul tet'un haq'sa zaxun,
87 Male manst'a ki, za tumexun əfçibat'un,
88 Ak'est'a Vi nu badalbakala çuresuna, barta yəşəyinşaz,
89 Həmişəluğ c'ovakala əyite Vi pi əyit, ay \+w Q'ončux\+w*
90 Nəsilxoval hari badalbakayin beşi bač'ane çurpiyonu Hun,
91 Vi q'ərarxone efe bitova ğeyin ğinal śirik',
92 Vi k'anunxoxunez mǔqbaksa zu,
93 Vi tadi ögüd-nəsyətxo sal sa vədə eyexun tez c'evk'on zu,
94 Çark'est'a za, axıri zu Vizu,
95 Əfçibsunt'un çuresa za pist'oğon,
96 Tam noxsansuz hik'k'al butene,
97 Gelez çuresa zu Vi k'anunxo,
98 Vi buyruğxon za bez düşmənxoxun ə̌xilak'ale bi,
99 Bezi bito məəlimxoxun müdrikzu,
100 Zu ağsaq'q'alxoxun gelez q'amiş,
101 Za pis yaq'en taşes bakala hər şeyaxun ə̌xilez tarane zu,
102 Vi q'ərarxo nu aksuna tez laxsa zu,
103 Muč'ane zaynak' Vi ǰomoxun c'eğala hər əyit,
104 Vi ögüd-nəsyətxon za düzə q'a k'orina c'ək'p'es bakala q'amişaksune tast'a,
105 Çirağ k'inək'e Vi əyit bezi hər lə̌ngeynak',
106 Elasp'i əyitez tade zu Vi düzgün q'ərarxo əməlbsuna,
107 Koruğez aksa zu, ay \+w Q'ončux\+w*, yəşəyinşest'a za,
108 Ük'exun eğala əyitmuxe bez əyitmux, ay \+w Q'ončux\+w*,
109 Bez ǰomo kašp'iz tarast'a bez elmoğo zu Va nu çalxalt'oğoy kiyexun,
110 Tələt'un laxi zaynak' pist'oğon,
111 Piin işiğ bi efoz zu həmişəluğ Vi bürüşit'oğo,
112 Vi laxi q'aydoğon tağoz zu həmişə,
113 Vi pit'oğo qı̌ ük'en əməlbalt'oğo nifrətezbsa zu,
114 Vaz bač'an tarade zu, za q'orişalo Hunnu,
115 Ə̌xilbakanan zaxun, ay pis amdarxo,
116 Ost'aarba bez elmoğo, barta yəşəyinşaz,
117 Za kul biq'a çark'eśes bakaz,
118 Vi laxi q'aydoğoxun ç̌o taradalt'oğoxun Hunal Vi ç̌oya taranst'a,
119 Ext'i bonst'a Hun me dünyəne bakala bito pist'oğo,
120 Bezi sa hik'k'al baksunaz aksa zu Vi kalaluği barada fikirbat'an,
121 Düzgün q'ərarxoz c'evk'e zu, düz əşurez biq'e,
122 Me Vi k'uleynak' şaat' ğimxo eysuna Vi ozane ext'a,
123 Bezi pulmuxe c'irap'eśi Vi tades bakala çark'esuna q'a
124 Ak'est'a me Vi k'ula Vi nu badalbakala çuresuni k'ə baksuna,
125 Vi k'ulzu zu, za q'amişaksun tada,
126 Hik'k'alt'unbsa Vi laxi k'anunxo, ay \+w Q'ončux\+w*,
127 Vi buyruğxo zaynak' q'ızılaxun,
128 Düz yaq'ene taşt'a Vi tadi bito ögüd-nəsyətxon,
129 Vi bürüşit'oğon bes bakalt'oğoxun əyitp'i çark'ala şey tene,
130 Pulmuxe qayesa Vi pit'oğo ibaki q'amişakalt'oğoy,
131 Vi buyruğxo əməlbseynak'ez yəşəyinşbsa zu,
132 Bez loxol běğa, za gorox eki,
133 Barta Vi əyitq'an baki za yaq' ak'est'i bezi tura ǰena lafst'a nu bark'alo,
134 Za pul tadi işiğ nu tadalt'oğoy kiyexun çark'est'a ki,
135 Barta Vi ük'e bask'eq'an me Vi k'ul ,
136 Mone, bez piin neğ tene q'aribaksa,
137 Bitot'ay loxol sa piin běğalonu Hun, ay \+w Q'ončux\+w*,
138 Vi bürüşit'oğost'a əfçi butene,
139 Bok'osp'i śinne za
140 Xebi girbi q'ızıl k'inək'e Vi əyit,
141 Mis'ik' amdaral bakayiz, bezi loxol k'oriyal běğayt'un,
142 Vast'a bakala düzgünluğ həmişə c'ovakala sa düzgünluğe,
143 Bez bel nu hari əş tene bu, dərde boşzu zu,
144 Düz yaq'ene taşt'a Vi bürüşit'oğon həmişə,
145 Vane k'alpi xoyinšpsa bezi ük'en, ay \+w Q'ončux\+w*, za ibaka,
146 Vaz k'ale, çark'est'a za,
147 İşiğ bitamin hayzeri Vaz k'alpi xoyinšpsa,
148 Kəybakamin bez pula tez q'ic'e,
149 Ak'est'a Vi nu badalbakala çuresuni k'ə baksuna, ay \+w Q'ončux\+w*, za ibaka,
150 Mone, pis əşurxoy bač'anexun tağalorox hari p'ap'et'un za,
151 Ama Hun bez t'ǒğǒlnu, ay \+w Q'ončux,\+w*
152 Gele vaxt'axunez ava zu Vi bürüşit'oğoy həmişəluğ baksuna.
153 Běğa hetər əzyətez zap'e zu, çark'est'a za,
154 Bez əşlə Hun běği çark'est'a za,
155 Tet'un ak'al Vaxun eğala çark'esuna pist'oğon,
156 Çark'ala şey tene Vast'a bakala ük' bok'ospsun, ay \+w Q'ončux\+w*,
157 Gelene bezi bač'anexun baft'i zaynak' düşmənçiluğ balorox,
158 Vaxun ç̌o taradit'oğo ak'ala pul tene bu bezi,
159 Běğa heq'ədərez çuresa zu Vi ögüd-nəsyətxo, ay \+w Q'ončux\+w*,
160 Serine Vi ǰomoxun c'eri əyitmoğoy bito,
161 Za pul tadi işiğ tet'un tast'a kalaluğbalxon,
162 Hetər ki, sa put q'ızıl bə̌ğə̌bi amdare mǔqbaksa,
163 Nifrətezbsa zu əfçinə, irit'ezne şot'oxun,
164 Ğine vǔğ kərəm Vi s'iyaz alabsa zu Vi düzgün q'ərarxo görə.
165 Şaat' ğit'un aksa Vi k'anunen tağalt'oğon,
166 Vi za çark'est'unane bezi umud, ay \+w Q'ončux\+w*,
167 Sırığanez bi zu bez ǔmǔğǒ Vi bürüşit'oğo,
168 Vi tadi ögüd-nəsyətxonez taysa zu,
169 İbaka bezi Va k'alpi xoyinšpsuna, ay \+w Q'ončux\+w*,
170 Barta Vi ǔmǔğo p'ap'eq'an bezi xoyinši səs,
171 Tərif barale bez ǰomoxun Vaynak',
172 Vi əyitmoğo bez muzel eçeri mə̌ğk'oz zu,
173 Barta Vi kul bez loxolq'an baki,
174 Cicirxone ç̌ane bezi Vi tades bakala çark'esuneynak', ay \+w Q'ončux\+w*,
175 Efa za, barta dirist' mandi Vi s'iya alabes bakaz,
176 Sürünəxun təkləyinşaki, iz yaq'a aç̌esp'i eğel k'inək'zu zu,