1 Ay bezi tərifləyinşala Buxačux,
2 Běğa hetərt'un pist'oğon q'a şər bakalt'oğon za içoğoy ǰomo eğalt'u nex,
3 Nifrəten buy əyitmuxe bezi hərrəminə biq'est'it'oğoxun ibakalo,
4 Bezi içoğo çuresuni əvəzə za nifrətbsunent'un qayst'a şot'oğon,
5 Bezi bi şaat'luğa pisluğbsunen,
6 Barta iz ük' pisluğen buy bakalt'ay kiyelq'an běği bezi düşmənen,
7 Barta şot'o divanbi q'ərar tadeğat'an
8 Barta ömürq'an gödəybaki şot'ay,
9 Barta şot'ay əylux yetimq'at'un mandi,
10 Barta şot'ay əylux içoğoy xaraboğoxun ə̌xil biti
11 Barta faizen təngə tadit'in hari iz kiyexun bitova haq'eq'an,
12 Barta şot'aynak' şuk'k'ali ük' maq'an bok'i,
13 Barta şot'ay nəsilq'an əfçibaki tumexun,
14 Barta \+w Q'ončuğon\+w* şot'ay bavoğon bit'oğo cazasuz maq'an efi,
15 Barta \+w Q'ončuğon\+w* şot'oğoy əşp'est'i günaxxo maq'an bağışlayinşi,
16 Şot'o görə ki, şaat'luğbsuni k'ə baksuna tene avabake me pis bakalt'in,
17 Q'arğiş śipsune şot'ay çureğalo,
18 Q'arğişene nəfəs haq'say şot'in,
19 Barta iz loxol taradala paltarq'an baki şo içeynak',
20 \+w Q'ončuğon\+w* bez pisə çureğalt'oğoy,
21 Za isə Vi s'iya görə çark'est'a, ay bitot'uxun üst'ün bakala \+w Q'ončux\+w* Buxačux,
22 Gorox, fağır sa amdarzu zu,
23 Běğ batk'at'an əfçibaki tağala xoji k'inək' əfçizbaksa zu,
24 Turexunez bist'a zu ğurux efsunaxun,
25 Axšumi gaz bake bez düşmənxoynak',
26 Eki p'ap'a bez t'arnu, ay bez Buxačux bakala \+w Q'ončux\+w*,
27 Barta me əşləst'a Vi kul baksuna,
28 Bez loxol q'arğiş śik'alt'oğoy coğaba zaxun Vi xeyir-bərəkətə nu kambsunen tada,
29 Barta bez loxol şər bosalorox ç̌omə̌yinluğenq'at'un bəc'üreśi tarapi,
30 Zu isə həmişə \+w Q'ončuğo\+w* şükürboz,
31 Fağıri bač'ane çurk'alone Şo,