1 Ay \+w Q'ončux\+w*, het'aynak'nu ə̌xil?
2 Mone, pis amdar şuk'k'alaxun zaptenesa,
3 Pis amdar iz ük'exun c'ovakalt'oğoxun fərəxləyinşebaksa,
4 İçu ala biq'i Buxačuğoxun ə̌xile bist'a,
5 Metərt'oğoy əşurxo həmişə şaat'e taysa,
6 İz ük'e boş "zaynak' q'ı̌ butene,
7 İz ǰomoxun saycə q'arğiş, əfçi saal bic'luğe baron,
8 Ayizmoğo, q'alasuz məəlnoğo tələne laxsa,
9 Şot'in sa şir k'inək' pusq'una çurpi yaq'eběğsa,
10 Axıri zəyift'ay zor aytenesa,
11 İz ük' şəren buy bakalt'inal metəre nex:
12 Hayza, ay \+w Q'ončux\+w*, Vi şu baksuna ak'est'a, ay Buxačux!
13 Het'aynak'q'an pist'in Buxačuğo ǰamdi?
14 Ama Hun me zülümə q'a əzyətə anksa,
15 Barta pis amdar biti xoreśeq'an.
16 \+w Q'ončux\+w* həmişəluğ bakala Padçağe!
17 Ay \+w Q'ončux\+w*, Hun fağırxoy xoyinša p'anpsa,
18 Fağırxoy q'a yetimxoy bač'ane çurpa,