1 Kəsib, ama iz ük' təmiz amdar,
2 Avabaksun nu bakayin, saycə həvəsen
3 Amdaren iz səfeyluğa görəne yaq'a aç̌esp'on,
4 Var-dövləten dost'urxo avuzebon,
5 Əfçi əyitk'ala şahid cazasuz tene mandon,
6 Gelet'oğone s'ila amdarxoy piyes ak'esun çureğon,
7 Kəsibəxun iz viçimoğoyal zəhləne baron,
8 İz elmoğo çureğalt'in müdrikluğe qə̌věğon,
9 Əfçi əyitk'ala şahid cazasuz tene mandon,
10 Q'ammaza tamtarağlu yəşəyinş nu yarayinşala k'inək',
11 Amdari q'amişaksunen əcuğa bask'esedon,
12 Padçaği əcuğ aslani ğırılti,
13 Axmağ ğar bavaynak' bələne,
14 K'oj, var-dövlət bavoğoxun,
15 Tənbəlluğen bə̌ğə̌loy nep'e eçon,
16 Əmirə əməlbalt'in iz elmoğone efon,
17 Kəsibə kul boxodalt'in \+w Q'ončuğone\+w* borc tadi baksa,
18 Heq'ədər ki c'əyi tene vi ğara tərbiyə tada,
19 İçuxun usum c'eǧala amdaren iz cazina zap'k'alane,
20 Nəsyətə ǔmǔxlaxa, tərbiyinəl q'abulba,
21 Amdaren iz ük'e boş gele şeye fikirbon,
22 Amdara iz ext'ibərlu baksunene çureśest'a,
23 \+w Q'ončuğo\+w* çalxsunen amdara yəşəyinşesedon,
24 Tənbəlen iz kula q'ave boş banedon,
25 Ç̌oboç̌una t'ap'enk'on - q'ammazene içeynak' dərs ext'on,
26 Bavay ç̌oyel qaybaki iz nana şəp'eğala ğar,
27 Bez ğar, nəsyətə nu ǔmǔxlaxayin,
28 Rüşvət ext'ala şahiden düzgünluğa lağane haq'on,
29 T'iyə̌mint'oğo masq'arabalt'oğoynak' caza,