1 Paa u Pulu Yemone alieli olio Ipuru yombomanga anda- kolepalimando ‘Nanga unguma piliangi.’ nimba yunga ungumu pilku yando ningu siringi yema yuni ungu-umbu tondorumuma pilkuli olionga anda-kolepalima ningu siringi. ‘Yomboma paa piliangi.’ nimba lipa tapondorumu kinia kanu yemane ulu awisili liku ora siku seko ungu awisili ningu siringi.
2 Aku-sipa na-kolo pe kiniá ‘Yunga Malone olio yunga unguma nimba sindepili.’ nimba Pulu Yemone yu mana maniando lipa mundorumu. Kanu kangomo Pulu Yemone ‘Nanga mélema kamu yu simbú, lipa taltopa molomba.’ nirimu kangomo. Kanu kangomo yu Pulu Yemone u mulu ma mélema “Sambo.” nirimu mélema pali serimu yemola.
3 ⸤Enamo pa selemo mele aku sipa⸥ Malo pa selemo akumuni Pulu Yemonga pa tondolo mundupa selemo pa sélimu olio lipa ora silimú. Pulu Yemo molemo mele Malo aku sipa molemo. Malonga ungu tondolomone mélema pali manda molemele. Yuni ‘olionga ulu-pulu-kirima omba mania pupili, olio yombo kalaro naa mololima molangi.’ nimba kongono sepa pora sipale ⸤mélema pali nokombando⸥ mulu-koleana Ye Nokoli Kingi Awili Olandopamonga ki-lomekondo pumba molorumu molemo.
4 Aku serimu-na yunga imbi lepa ‘Nanga Malo’ nirimu aku imbimu paa olandopa purumu, mulu-koleana angellomando imbi lepa ‘Pulu Yemonga kongono sendeli yema’ nirimu aku imbimu paa maniandopa, aku sipa mele yu yuyu paa olandopa angelloma maniandopa.
5 Pulu Yemone nimbale:
6 Yundu ungu se pea nirimula. Yunga kango-komolayemo mana lipa maniando mundupale Pulu Yemone yunga angellomando nimbale:
7 Angellomando Pulu Yemone nimbale:
8 Aku-sipa na-kolo Pulu Yemone Malondo nimbale:
9 Nuni ulu-pulu sumbi nilima manjiku
10 Pulu Yemone ⸤Malondo⸥ ungu se pea nimbale:
11 Aku méletolo pora nimbá, aku-na-kolo
12 Yombomane wale-pakoli suluma
13 Pulu Yemone u walte nimbale:
14 ⸤Aku ungumu angellomando naa nirimu liemu⸥ angelloma nameleye? Angelloma mini mele molko Pulu Yemonga kongono sendeli yema molemele. Kanu angello yema Pulu Yemone yombo lipa tapondopa, mindili nolemolá aulkana wendo lipa, yu-kinia pea molko kondonge aulkana lipa mondolemo ulu-pulumu lingí yomboma ‘Liku tapondoko nokangi paa.’ nimba lipa mundulimú yema molemele.