1 O Yoova, uyaon ghau toman atem yavyav sov.
2 Yoova, yau besooŋa tsio. Lolom isaghatin ghau ve uul ghau lak!
3 Yoova, lolog ipataŋan kat.
4 Yoova, yo lolom isaghav tamtamon tsio ariaaŋ ve uluul zi.
5 Pa mateegha irau matazi iŋgal ghom muul mako.
6 Yau nayakyak le tapirig isov.
7 Lolog ipataŋan kat ve nataŋ tiina le matag isarsar.
8 Yam zeran tau aghamgham ŋgar sasaghati na, asov aghau payau!
9 Yau nataŋ rarai Yoova pa uleeŋ, ve i ilooŋ suŋuuŋ tsiau.
10 Pale igham koiagŋa tisov tiroi tiina ve mayazi.