1 O Yoova, uul ghau ve utatan koiagŋa tau aazne yeŋa nivazorai ghei ve tiŋoŋooŋ payau ne.
2 Unonogh ghom pa gabua tsio to malmal, ve ukis sigheu tsio,
3 Upas iiz ve zaab tsio, ve upoon ghau pa yes tau tigham lilin ghau ne.
4 Yoova, yes tau tighe tirav ghau namaat ne, utatan tapirizi, ve ugham zi mayazi ve tighau tila.
5 Yoova, naghe aŋela tsio inaan zi gha tighawaar,
6 Aŋela tsio tawe igham taghon zi, ve tilaan ila ndoroom loolo taghon eez tau pusukpusukia na, o poi!
7 Pasaa, yau nagham sosor eta pazi mako.
8 Yoova, upateeŋ zi pa saghatiiŋ tiina eta.
9 Yoova, ighe ugham tauvene, ene pale lolog poia kat payo,
10 Yau aat napait ezam toman lolog, ve naghe: “Yoova, sei ta imin yo? Eta mako!
11 Tamtamon naol tiburig ve tiŋgal saveeŋ karom payau tighe tivaghamun ghau.
12 Yau nagham ŋgar poia pazi. Eemon yes tipamuul ŋgar saghati payau.
15 Eemon saawe tau pataŋani igham ghau gha naleep saghat, yes lolozi poia, ve tilup zi to tivaghamun ghau.
16 Ve tisiksik saveeŋ veleghiiŋ naol payau.
17 Yoova, puughu mindai ta umamarar zi ve tighamgham ŋgar tauvene payau? Pale ŋeez o uul ghau?
18 Ve ighe uul ghau, mako saawe tau tamtamon tsio tilup zi pa suŋuuŋ, yau aat nala tomani zi, ve napait ghom toman lolog poia.
19 Koiagŋa, muuŋ yeŋa lupuuŋ tsiei eemon. Eemon aazne, tighur koi payau sorok.
20 Yes tisavia saveeŋ luuma eta to tilup tamtamon ve tileep poi ne mako.
21 Ve aliŋazi izazaa sorok, ve tisavsaav ila matag tighe:
22 Yoova, ŋgar toozi sasaghati ta naol ne, yo ughit zi wa.
23 Maaron, yo Tiina tsiau. Uburig ve uvool tsiau.
24 Yoova, Maaron tsiau, ŋgar tsio iduduuŋ mon.
25 Mako lolozi poia ve tisaav tighe:
26 Yoova, yes tau tipakur zi pa pataŋani tau igham ghau ne,
27 Eemon yes tau tighe yo uul ghau ve upaghazoŋai ghau ila tamtamon matazi ughe yau leg sosor eta mako na,
28 Tauvene mboŋoozo ila le ravrav izi, avog pale ivotia ŋgar duduuŋa tau yo ughamghamu na, ve napapait ghom.