1 O Yoova, yau nanumeer ghom ve nayooŋ ilat tsio.
2 Ughur taliŋam pa suŋuuŋ tsiau, ve rekia uul ghau!
3 Onoon kat. Yo Uleeŋa tsiau ariaaŋa. Yo uponpoon ghau imin maetaaz tau izala kat. Ve umin ruum ariaaŋa to nayooŋ ila loolo.
4 Ughita liis tau koiagŋa tighuru payau na, ve upasali ghau pani.
5 Yoova, yo Maaron tau utataghon saveeŋ mbuaaŋ tsio.
6 Yau nanumeer Yoova mon.
7 Yau tintinig ve lolog poia payo. Pasaa, yo lolom isaghav tamtamon tsio ariaaŋ ve uluul zi.
8 Yo upul ghau nala koiagŋa nimazi mako.
9 Yoova, yau besooŋa tsio. Lolom isaghatin ghau ve uul ghau lak! Pa aazne, pataŋani tiina igham ghau le lolog ipataŋan.
10 Lolog ipataŋan kat ve nayakyak irau saawe.
11 Koiagŋa tisov tigham ŋalalaŋ payau.
12 Tamtamon matazi iŋgal ghau muul mako. Tighit ghau imin ta namaat wa.
13 Yau nalooŋ eval tiina tivakamunai zi payau.
14 Eemon Yoova, yau nanumeer ghom.
15 Saawe tau naleep izi taan, saa gabua ma ŋgar tau ighe ivot payau, ene yau naleep ila yo nimam.
16 Yau besooŋa tsio. Lolom poia payau ve ugham poghani ghau.
17 Yoova, yau nataŋ rarai ghom to uul ghau.
18 Upoon avozi. Pa yes zeran to karom.
19 O Yoova, poia tsio, ene tiina le tiina kat.
20 Yo uŋgooz zi ila zigem.
21 Yau napait Yoova pa poia tooni.
22 Imin maata yau naroi naghe Yoova aat iziir ghau naghau pa maata wa.
23 Yam tamtamon to Yoova tau lolomim isaghavu ariaaŋ ve ataghon eez tooni na, aghur lolomim pani kat.
24 Tauvene yam tau anumeer Yoova ve aghurghur matamim pani na, aroi sov.