1 Yoova, yo uponpoon ghau pa koiagŋa imin maet tiina. Tauvene taŋiiz tsiau ilat payo.
2 Aazne, yau nait nimag izaa iŋarui rumei tsio loolo tau patabuyaaŋ kat na, ve nataŋ rarai ghom pa uleeŋ.
3 Saawe tau yo ughur atuya pa zeran sasaghati, na ugherev ghau nala tomani zi sov.
4 Yes tikaria ghamuuŋ sosor wa.
5 Uraat tintiina tau Yoova niima ighamgham zi na, yes tigham ŋgar pani mako.
6 Yau napait Yoova pa poia tooni.
7 Yau naghamgham tapirig ila to Yoova, ve i imin sigheu payau.
8 Yoova tamtamon tooni tighamgham tapirizi ila tooni.
9 Yoova, tamtamon tsio timin lem motot. Ugham mulin zi pa pataŋani toozi, ve ughur poia tsio izaa toozi.