1 O Yoova, ulooŋ taŋiiz tsiau tane, ve uul ghau.
2 Yo ughita gabua naol isov, ve yo uwatagh ughe yau nataghon ŋgar tau iduduuŋ ila yo matam.
3 Yo ugabiiz poghani ghau, ve utoov ghau. Ve ulam utiir ghau pa mboŋ paam. Tauta uwatagh katin lolog.
4 Yau nataghon ŋgar tau zeran siriv tighamghamu ne mako. Pasaa, matag kisin saveeŋ tsio.
5 Saawe isov, nataghon eez tsio mon.
6 O Maaron, yau nawatagh: Saawe isov, yo uloŋlooŋ suŋuuŋ tsiau. Tauvene nataŋ rarai ghom naghe uul ghau.
7 Yo lolom isaghav tamtamon tsio ariaaŋ ve uluul zi.
8 Uŋgin poghani ghau imin yo uŋgin taum matam.
9 Pa zeran sasaghati tizuari zi tighe tivaghamun ghau.
10 Lolozi isaghatin tamtamon mako.
11 Yes titaghon ghau tilam gha tilivutin ghau wa.
12 Yes timin laion tau pitoola ve ighe iraŋgat gabua leso ighani.
13 Yoova, uburig urav koiagŋa lak! Uyooz umin sigheu payau, upoon zi, ve utatan tapirizi.
14 Zeran tawe tigham ŋgar tighe gabua to taan, ene gabua tauu.
15 Eemon yau ŋeer duduŋag. Tauvene yau aat naghita naghom.